കോട്ടയം പെരുവയിൽ നിർമ്മാണത്തിലിരിക്കുന്ന ചിപ്പ് നിർമ്മാണ ഫാക്ടറിയിൽ വൻ തീപിടിത്തം ഉണ്ടായി. ഡിസംബറിൽ ഉദ്ഘാടനം ചെയ്യാനിരുന്ന 'പി സി ബി എക്സ്പ്രസ്' എന്ന സ്ഥാപനത്തിലാണ് അപകടം നടന്നത്. എസിയിൽ നിന്നാണ് തീ പടർന്നതെന്നാണ് പ്രാഥമിക നിഗമനം.
യു.ഡി.എഫ് തരംഗത്തിലും തൃശൂർ ജില്ലയിലെ ആറ് സീറ്റുകൾ നിലനിർത്താനായെന്ന് സി.പി.എം വിശാല ജില്ലാ കമ്മിറ്റി വിലയിരുത്തി. ചില മണ്ഡലങ്ങളിലെ വോട്ടുചോർച്ചയും ഇരിങ്ങാലക്കുടയിലെ തോൽവിയും പരിശോധിക്കാനും ബി.ജെ.പി മുന്നേറ്റത്തെ ചെറുക്കാനും യോഗത്തിൽ തീരുമാനമായി.
തമിഴ്നാട്ടിൽ ഡി.എം.കെ ജനങ്ങളെ അടിമകളാക്കാൻ ശ്രമിക്കുമ്പോൾ ടി.വി.കെ ജനങ്ങൾക്കൊപ്പം നിലകൊള്ളുകയാണെന്ന് പാർട്ടി അധ്യക്ഷൻ വിജയ് ആരോപിച്ചു. അണ്ണാ ഡി.എം.കെ ഇപ്പോൾ ഡി.എം.കെയുടെ ബ്രാഞ്ചായി മാറിയെന്നും ഇരുപാർട്ടികൾക്കും ഒരേ ഉടമയാണെന്നും അദ്ദേഹം പരിഹസിച്ചു.
കെ.എസ്.ആർ.ടി.സിക്ക് പുതിയ ബസ് വാങ്ങാൻ തൃശ്ശൂർ സതേൺ മൾട്ടി സ്റ്റേറ്റ് കോ-ഓപ്പറേറ്റീവ് സൊസൈറ്റി സി.എസ്.ആർ ഫണ്ടിൽനിന്ന് 40 ലക്ഷം രൂപ മുഖ്യമന്ത്രി വി.ഡി. സതീശന് കൈമാറി.
ഗാന്ധിജയന്തിയും വാരാന്ത്യ അവധികളും പ്രമാണിച്ച് ബെംഗളൂരുവിൽനിന്ന് തിരുവനന്തപുരത്തേക്കും കണ്ണൂരിലേക്കും റെയിൽവേ രണ്ട് സ്പെഷ്യൽ ട്രെയിനുകൾ പ്രഖ്യാപിച്ചു. വ്യാഴാഴ്ച പുറപ്പെടുന്ന ഈ സർവീസുകളിൽ തിരുവനന്തപുരത്തുനിന്നുള്ള മടക്കയാത്ര ശനിയാഴ്ചയും കണ്ണൂരിൽനിന്നുള്ള സർവീസ് വെള്ളിയാഴ്ചയുമായിരിക്കും.
കേരളത്തിൽ ഇത്തവണ തെക്ക് പടിഞ്ഞാറൻ കാലവർഷത്തിൽ 28 ശതമാനം മഴയുടെ കുറവ് രേഖപ്പെടുത്തി. സൂപ്പർ എൽനിനോ പ്രതിഭാസമാണ് മഴ കുറയാൻ പ്രധാന കാരണമായത്. നാളെ മുതൽ കിട്ടുന്ന മഴ തുലാവർഷ കണക്കിലാണ് ഉൾപ്പെടുത്തുക.
അകമ്പടി വാഹനങ്ങളുടെ എണ്ണം കൂട്ടിയതിൽ പൊലീസിനോട് കടുത്ത അതൃപ്തി പ്രകടിപ്പിച്ച് മുഖ്യമന്ത്രി വി.ഡി. സതീശൻ. തനിക്ക് അധിക സുരക്ഷ ആവശ്യമില്ലെന്നും യാത്ര മൂലം പൊതുജനങ്ങൾക്ക് ബുദ്ധിമുട്ടുണ്ടാക്കരുതെന്നും വ്യക്തമാക്കി കൂടുതലായെത്തിയ വാഹനങ്ങൾ അദ്ദേഹം മടക്കിയയച്ചു.
ഇടുക്കിയിലെ തോട്ടംമേഖലകളിൽ വൈകീട്ട് 6 മുതൽ പുലർച്ചെ 6 വരെ യാത്രയ്ക്കും രാത്രികാല ജോലികൾക്കും ജില്ലാ കളക്ടർ ഏർപ്പെടുത്തിയ വിലക്ക് വലിയ വിവാദത്തിന് വഴിവെച്ചു. എന്നാൽ, പ്രധാന പാതകളിലെ ഗതാഗതത്തിന് തടസ്സമില്ലെന്നും തോട്ടത്തിനുള്ളിലെ റോഡുകൾക്ക് മാത്രമാണ് നിരോധനമെന്നും അധികൃതർ വ്യക്തമാക്കി.
നവജാത ശിശുവിന് കാലാവധി കഴിഞ്ഞ മരുന്ന് നൽകിയ സംഭവത്തിൽ ഇടുക്കി മെഡിക്കൽ കോളേജിനെതിരെ കുടുംബം ആശുപത്രി സൂപ്രണ്ടിന് പരാതി നൽകി.
അധികാരമേറ്റ് നാലുമാസത്തിനുള്ളിൽ ഭരണത്തിന്റെ തിളക്കം മങ്ങിയതിൽ യു.ഡി.എഫ് ആത്മപരിശോധന നടത്തണമെന്ന് സമസ്ത മുഖപത്രമായ 'സുപ്രഭാതം'. തദ്ദേശ ഉപതിരഞ്ഞെടുപ്പിൽ യു.ഡി.എഫിന്റെ സിറ്റിങ് സീറ്റുകളും വോട്ടുവിഹിതവും കുറഞ്ഞത് തിരിച്ചടിയാണ്.
ആക്രമണം നടന്ന ഡിസിസി ഓഫീസിൽ ആഭ്യന്തരമന്ത്രി രമേശ് ചെന്നിത്തല സന്ദർശനം നടത്തി. അക്രമികൾ ആരാണെങ്കിലും ശക്തമായ നടപടിയുണ്ടാകുമെന്ന് ചെന്നിത്തല പറഞ്ഞു.
വിദേശത്ത് പഠിക്കുന്ന മകളുടെ അക്കൗണ്ടിലേക്ക് പോലും ഇടനിലക്കാരിൽ നിന്നും പണം വാങ്ങുന്നതായി കണ്ടെത്തിയിട്ടുണ്ട്.