പ്രതിപക്ഷത്തിരുന്നപ്പോൾ ധൂർത്തെന്നും അനാവശ്യമെന്നും വിമർശിച്ച പദവികൾ അധികാരത്തിലെത്തിയപ്പോൾ പുനഃസൃഷ്ടിച്ച് വി.ഡി. സതീശൻ സർക്കാർ. ഭരണ പരിഷ്കാര കമ്മീഷനും ദില്ലി പ്രതിനിധി പദവിയും സ്വന്തക്കാർക്ക് വീതിച്ചുനൽകിയതിനെച്ചൊല്ലി യു.ഡി.എഫിലും ഭിന്നത രൂക്ഷമായി.
കായൽപ്പാടങ്ങളിൽ താമരപ്പൂക്കൾ നിറഞ്ഞുവിരിഞ്ഞെങ്കിലും ആവശ്യക്കാരില്ലാത്തതും കടുത്ത വിലയിടിവും കാരണം തിരുനാവായയിലെ കർഷകർ പ്രതിസന്ധിയിലായി. 'പുഷ്പഗ്രാമം' പ്രഖ്യാപനം കടലാസിലൊതുങ്ങിയതോടെ സംഭരണ-വിപണന സംവിധാനങ്ങളും സർക്കാർ പിന്തുണയും വേണമെന്ന് കർഷകർ ആവശ്യപ്പെടുന്നു.
കുട്ടികളുടെ അന്തസ്സിന് നിയമതടസ്സങ്ങളുണ്ടായാൽ കോടതികൾ സംരക്ഷണമൊരുക്കണമെന്ന് ഹൈക്കോടതി നിർദേശിച്ചു. ലിവിങ് ഇൻ പങ്കാളികളുടെ കുഞ്ഞിന്റെ ജനന സർട്ടിഫിക്കറ്റിലെ തെറ്റ് തിരുത്താൻ ഉത്തരവിട്ടുകൊണ്ടാണ് ജസ്റ്റിസ് പി.വി. കുഞ്ഞികൃഷ്ണന്റെ നിരീക്ഷണം.
വി.ഡി. സതീശന്റെ ഏകപക്ഷീയ ശൈലിക്കെതിരെ യു.ഡി.എഫ് കൺവീനർ അടൂർ പ്രകാശ് എ.ഐ.സി.സിക്ക് പരാതി നൽകാനൊരുങ്ങുന്നത് കോൺഗ്രസിൽ പോര് രൂക്ഷമാക്കി. പരസ്യ വിമർശനത്തിനെതിരെ ബദൽ പരാതി നൽകാൻ സതീശൻ വിഭാഗവും രംഗത്തിറങ്ങിയതോടെ ഹൈക്കമാൻഡ് ഇടപെടലിലേക്ക് കാര്യങ്ങൾ നീങ്ങുകയാണ്.
യു.ഡി.എഫിലോ സർക്കാരിലോ യാതൊരു പ്രതിസന്ധിയുമില്ലെന്നും മുന്നണി പൂർണ ഒറ്റക്കെട്ടായി മുന്നോട്ടുപോകുമെന്നും കെ.പി.സി.സി വ്യക്തമാക്കി. സംഘടനാ കാര്യങ്ങൾ പാർട്ടി വേദികളിൽ ചർച്ച ചെയ്യേണ്ടതാണെന്നും പരസ്യപ്രസ്താവനകൾ ഒഴിവാക്കണമെന്നും നേതൃത്വം ആവശ്യപ്പെട്ടു.
തലസ്ഥാനത്ത് ഇന്നലെ രാത്രി യുദ്ധസമാന സാഹചര്യമായിരുന്നു. യൂത്ത് കോൺഗ്രസ് പ്രവർത്തകർ യൂണിവേഴ്‌സിറ്റി കോളേജ് ഹോസ്റ്റലിന് മുന്നിൽ അക്രമ പരമ്പരകൾക്ക് തുടക്കമിടുകയായിരുന്നു. തുടർന്ന് പൊലീസിന്റെ നേതൃത്വത്തിൽ കോളേജ് ഹോസ്റ്റലിലെ വിദ്യാർഥികൾക്കെതിരെ ക്രൂരമായ മർദ്ദനവും.
വന്യജീവി വാരാഘോഷത്തിന്റെ ഭാഗമായി ഒക്ടോബർ 2 മുതൽ 8 വരെ തിരുവനന്തപുരം മൃഗശാലയിലും അക്വേറിയത്തിലും വിദ്യാർത്ഥികൾക്ക് സൗജന്യ പ്രവേശനം അനുവദിച്ചു.
ഗുരുവായൂർ റൂട്ടിൽ ബസ് തടഞ്ഞ് ഡ്രൈവറെ കൊലപ്പെടുത്താൻ ശ്രമിച്ച 27 കേസുകളിലെ പ്രതി പാടൂർ സ്വദേശി സിയാദ് (30) പിടിയിലായി. റോഡിൽ നിന്ന് മാറാൻ പറഞ്ഞതിലുള്ള വിരോധത്താൽ ആയുധവുമായി ബസ്സിൽ കയറി ആക്രമണം നടത്തുകയായിരുന്നു ഇയാൾ.
മന്ത്രി ഒ.ജെ. ജനീഷിന്റെ വാഹനം ആക്രമിച്ച സംഭവത്തിൽ 14 ഡിവൈ.എഫ്.ഐ പ്രവർത്തകർക്കെതിരെ പൊതുമുതൽ നശിപ്പിക്കൽ ഉൾപ്പെടെയുള്ള വകുപ്പുകൾ ചുമത്തി പൊലീസ് കേസെടുത്തു.
സിപിഎമ്മിനെതിരെ വീണ്ടും വിവാദ പരാമർശവുമായി ജി സുധാകരൻ. പിണറായി വിജയനെ ഇല്ലാതാക്കാൻ വിഎസ് നേരിട്ട് രംഗത്തിറങ്ങിയെന്നാണ് ജി സുധാകരൻ്റെ പരാമർശം.
യുഡിഎഫ് കൺവീനർ എന്ന നിലയിൽ മുന്നണിയിലെ കാര്യങ്ങളൊന്നും തന്നെ അറിയിക്കുന്നില്ലെന്ന് വ്യക്തമാക്കി അടൂർ പ്രകാശ് എംപി. മുന്നണിയിലെ കൂടിയാലോചനകൾ ഇല്ലാത്തതിലുള്ള കടുത്ത അതൃപ്തി അദ്ദേഹം പരസ്യമാക്കി. കൂടാതെ എസ്എഫ്ഐ ബിജെപിയുമായി ഒത്തുകളിക്കുകയാണെന്നും അദ്ദേഹം ആരോപിച്ചു.