ആളപായം ആർക്കും തന്നെ ഇല്ല. സംഭവം നടക്കുന്ന സമയത്തിന് ജീവനക്കാർ ഇറങ്ങി പുറത്തേക്ക് ഓടിയതിനാലാണ് അപകടം ഒഴിവായത്. ഷോട്ട്സർക്യൂട്ട് പ്രാഥമിക നിഗമനം.
മലപ്പുറം): ലഹരി നിർമാർജനത്തിനായി സർക്കാർ ആവിഷ്കരിച്ച 'ഓപ്പറേഷൻ തൂഫാന്റെ' രണ്ടാം ഘട്ടമായ 'തൂഫാൻ തദ്ദേശം' പദ്ധതിക്ക് വേങ്ങരയിൽ തുടക്കമായി. പദ്ധതിയുടെ സംസ്ഥാനതല ഉദ്ഘാടനം ആഭ്യന്തര മന്ത്രി രമേശ് ചെന്നിത്തല നിർവഹിച്ചു. ലഹരിക്കെതിരെയുള്ള പോരാട്ടം ഇനി സംസ്ഥാനത്തെ ഓരോ വാർഡുകളിലേക്കും വ്യാപിപ്പിക്കുമെന്നും, ഇതിനായി വാർഡ് തലങ്ങളിൽ പ്രത്യേക തൂഫാൻ സമിതികൾ രൂപീകരിക്കുമെന്നും ഉദ്ഘാടന പ്രസംഗത്തിൽ അദ്ദേഹം പറഞ്ഞു. തദ്ദേശ സ്വയംഭരണ മന്ത്രി കെ.എം. ഷാജി ഉൾപ്പെടെയുള്ള ജനപ്രതിനിധികളും ചടങ്ങിൽ പങ്കെടുത്തു. ലഹരി മാഫിയയെ വേരോടെ പിഴുതെറിയാൻ ലക്ഷ്യമിട്ട് നടപ്പിലാക്കുന്ന തൂഫാന്റെ രണ്ടാം ഘട്ടത്തിൽ വിദ്യാലയ കേന്ദ്രീകൃത പ്രതിരോധ പ്രവർത്തനങ്ങൾക്കും മുൻഗണന നൽകും. സംസ്ഥാനത്തെ എല്ലാ വിദ്യാലയങ്ങളിലും സന്നദ്ധ സംഘടനകളുടെ സഹകരണത്തോടെ സി.സി.ടി.വി ക്യാമറകൾ സ്ഥാപിക്കുമെന്ന് മന്ത്രി അറിയിച്ചു. ലഹരിക്കെതിരെയുള്ള പ്രതിരോധത്തിൽ നാടൊന്നാകെ പങ്കാളികളാകണമെന്നും എല്ലാവരും 'തൂഫാൻ വാരിയർ'മാർ ആകണമെന്നും അദ്ദേഹം ആഹ്വാനം ചെയ്തു. ലഹരി വലയിൽ അകപ്പെട്ടുപോയവരെ ജീവിതത്തിലേക്ക് തിരികെ കൊണ്ടുവരാനായി 'തൂഫാൻ കെയർ' എന്ന പേരിൽ പ്രത്യേക പുനരധിവാസ പദ്ധതിക്കും തുടക്കം കുറിച്ചിട്ടുണ്ട്. ബാധിതർക്ക് സൗജന്യവും മികച്ചതുമായ ചികിത്സയും സമഗ്രമായ പുനരധിവാസവും പദ്ധതിയിലൂടെ ഉറപ്പാക്കുമെന്നും ആഭ്യന്തര മന്ത്രി വ്യക്തമാക്കി. ആദ്യഘട്ട പ്രവർത്തനങ്ങളിലൂടെ സംസ്ഥാനത്തെ ലഹരി ഉപയോഗത്തിൽ 30 ശതമാനം വരെ കുറവുണ്ടാക്കാൻ കഴിഞ്ഞതായാണ് ഔദ്യോഗിക വിലയിരുത്തൽ. ഓപ്പറേഷൻ തൂഫാൻ ആരംഭിച്ച ശേഷം കഴിഞ്ഞ 117 ദിവസത്തിനിടെ വ്യാപക പരിശോധനകളാണ് സംസ്ഥാനത്തുടനീളം നടന്നത്. ഇതുവരെ 11,677 കേസുകൾ രജിസ്റ്റർ ചെയ്യുകയും 12,584 പേരെ അറസ്റ്റ് ചെയ്യുകയും ചെയ്തിട്ടുണ്ട്. വരും ദിവസങ്ങളിൽ കൂടുതൽ ശക്തമായ നിയമനടപടികളും ലഹരിവിരുദ്ധ ബോധവൽക്കരണവും തദ്ദേശ സ്ഥാപനങ്ങളുടെ സഹകരണത്തോടെ നടപ്പിലാക്കാനാണ് തീരുമാനം.
അമിത് ഷാ കരിങ്കൊടി കണ്ടാൽ സതീശന് നോവുന്നത് എന്തിനാവും ? പണ്ട് നവകേരള സദസ്സിന്റെ സമയത്ത് അന്നത്തെ മുഖ്യമന്ത്രി പിണറായിക്കെതിരെ ഇതേ യൂത്ത് കോൺഗ്രസിനെ കരിങ്കൊടിയും കൊടുത്തയച്ച സതീശന് അമിത് ഷാക്കെതിരെ കരിങ്കൊടി കാണിക്കുമ്പോൾ മാത്രം മുട്ടു വിറയ്ക്കുന്നോ?- എംബി രാജേഷ് പരിഹസിച്ചു.
പാലക്കാട് റെയിൽവേ ഡിവിഷൻ വിഭജനത്തിൽ പ്രതികരണവുമായി ബിജെപി സംസ്ഥാന ഉപാധ്യക്ഷൻ സി കൃഷ്ണകുമാർ. റെയിൽവേ ബോർഡിൻ്റെ തീരുമാനം റെയിൽവേ വികസനത്തെ ബാധിക്കില്ലെന്നും ആശങ്കയുണ്ടെങ്കിൽ ബേപ്പൂരിൽ പുതിയ പോർട്ട് ആരംഭിച്ച് വരുമാന നഷ്‌ടം പരിഹരിക്കാൻ കേരളം ശ്രമിക്കണമെന്നും അദ്ദേഹം പറഞ്ഞു.
മുസ്ലിം പെൺകുട്ടികളുടെ പുരോഗതിയും മാറ്റവും മനസിലാക്കാൻ സമുദായ സംഘടനകൾക്ക് സാധിക്കുന്നില്ലെന്ന് മന്ത്രി ഷാജി. നിരീശ്വരവാദികളുടെ പേജുകൾ കൂടുതലായി പിന്തുടരുന്നത് ഇവരാണെന്നും, പുതിയ തലമുറയെ നയിക്കാൻ സംഘടനകൾക്ക് കഴിയുന്നില്ലെന്നും ആശങ്ക പ്രകടിപ്പിച്ചു.
വി.ഡി. സതീശന് ബാലചന്ദ്രൻ വടക്കേടത്ത് സ്മാരക സമിതിയുടെ രണ്ടാമത് പുരസ്കാരം ലഭിച്ചു. അര ലക്ഷം രൂപയും ശില്പവും പ്രശസ്തി പത്രവും അടങ്ങുന്നതാണ് ഈ അവാർഡ്. രാഷ്ട്രീയ തിരക്കുകൾക്കിടയിലും സാഹിത്യ മേഖലയിൽ സജീവമായതിനാലാണ് ഈ അംഗീകാരം.
മുട്ടിൽ മരംമുറിക്കേസിലെ ഗൂഢാലോചനയും ഉദ്യോഗസ്ഥരുടെ വീഴ്ചകളും അന്വേഷിക്കുമെന്ന് മന്ത്രി ഷിബു ബേബി ജോൺ വ്യക്തമാക്കി. മുൻ റവന്യൂ സെക്രട്ടറിയുടെ ഉത്തരവിറങ്ങിയ സാഹചര്യവും കുറ്റപത്രത്തിലെ പിഴവുകളും പരിശോധിക്കും. കെഎഎസ്ഇ ഡയറക്ടർ സ്ഥാനത്ത് നിന്നുള്ള ടോം ജോസഫിന്റെ പിന്മാറ്റവും മന്ത്രി സ്ഥിരീകരിച്ചു.
സാഹചര്യം മെച്ചപ്പെട്ടതിനാൽ കഴിഞ്ഞ ദിവസങ്ങളിൽ വൈദ്യുതി നിയന്ത്രണം ഉണ്ടായിരുന്നില്ല.
തമിഴ്നാട് സർക്കാരിൻ്റെ അഭിമാന പദ്ധതിയായ 'തായ് മാമൻ തങ്കമോതിരം' പദ്ധതിയുടെ ഉദ്ഘാടനം ഉടൻ. മധുരയിലെ രാജാജി സർക്കാർ ആശുപത്രിയിൽ നടക്കുന്ന ചടങ്ങിൽ വിജയ് ഉദ്ഘാടനം നിർവഹിക്കും.
ചിപ്‌സൺ ഏവിയേഷൻ കമ്പനിയുമായുള്ള ഹെലികോപ്റ്റർ വെറ്റ് ലീസ്‌ കരാർ സംസ്ഥാന സർക്കാർ പൂർണ്ണമായി അവസാനിപ്പിച്ചു. ഇനി കമ്പനിയുമായി ഇടപാടുകൾ ഉണ്ടാകില്ല.
കോഴിക്കോട് ഡിസിസി പ്രസിഡന്റ് കെ. പ്രവീൺ കുമാറിന്റെ നേതൃത്വത്തിലുള്ള കോൺഗ്രസ് നേതാക്കൾ ആഭ്യന്തരമന്ത്രിയെ നേരിട്ട് കണ്ട് പ്രതിഷേധം അറിയിച്ചതോടെയാണ് തിരിച്ചെടുക്കാനുള്ള നീക്കം തടഞ്ഞത്.
അമേരിക്കൻ ഇടക്കാല തെരഞ്ഞെടുപ്പിന് മുമ്പ് ഇറാനെതിരെ വീണ്ടും ആക്രമണം നടത്താൻ സാധ്യതയുണ്ടെന്ന മുന്നറിയിപ്പുമായി പ്രസിഡന്റ് ഡോണാൾഡ് ട്രംപ്. യുദ്ധത്തിൽ അമേരിക്ക ഉടൻ വിജയം കൈവരിക്കുമെന്നും ട്രംപ് അവകാശപ്പെട്ടു.