തിരുവല്ല പോലീസ് സ്റ്റേഷനിൽ ഡ്യൂട്ടിക്കിടെ ഹൃദയാഘാതം മൂലം കുഴഞ്ഞുവീണ എ.എസ്.ഐ. എ.ജി. സുനിൽകുമാർ (50) അന്തരിച്ചു. മൃതദേഹം ജില്ലാ പോലീസ് ആസ്ഥാനത്ത് പൊതുദർശനത്തിന് വെച്ച ശേഷം സംസ്‌കാരം 15-ന് വാഴമുട്ടത്തുള്ള സ്വവസതിയിൽ നടക്കും.
തിരുവല്ല പുളിക്കീഴ് പൊലീസ് സ്റ്റേഷനിൽ നിന്ന് കൈവിലങ്ങ് ഊരി രക്ഷപ്പെട്ട പോക്സോ കേസ് പ്രതി സജിത്തിനെ വീടിന് സമീപത്തെ ആളൊഴിഞ്ഞ തുരുത്തിൽ നിന്ന് പൊലീസ് പിടികൂടി. കഴിഞ്ഞ വെള്ളിയാഴ്ച രാത്രിയാണ് ഇയാൾ പൊലീസിൻ്റെ കണ്ണുവെട്ടിച്ച് ചാടിപ്പോയത്.
പത്തനംതിട്ട പുളിക്കീഴ് പൊലീസ് സ്റ്റേഷനിൽ ലോക്കപ്പില്ലാത്തതിനാൽ നിലത്തുറപ്പിച്ച കമ്പി തകർത്ത് പോക്സോ കേസ് പ്രതി സജിത്ത് ചാടിപ്പോയി. പ്രതിക്കായി പ്രത്യേക അന്വേഷണ സംഘം തിരച്ചിൽ ഊർജ്ജിതമാക്കി.
മക്കളുടെ അവഗണനയും ഭർത്താവിന്റെ വിയോഗത്തിനുശേഷമുള്ള പ്രണയവും കാരണം മദ്യലഹരിയിൽ തിരുവല്ല കുറ്റൂർ പാലത്തിൽ നിന്ന് ആറ്റിലേക്ക് ചാടി ജീവനൊടുക്കാൻ ശ്രമിച്ച അറുപതുകാരിയെ നാട്ടുകാരും പഞ്ചായത്ത് അധികൃതരും ചേർന്ന് രക്ഷപ്പെടുത്തി. പ്രാഥമിക ചികിത്സയ്ക്ക് ശേഷം ഇവരെ സ്വകാര്യ ആശുപത്രിയിലേക്ക് മാറ്റി.
സുരക്ഷിതമായ ലോക്കപ്പില്ലാത്തതിനാൽ തറയിലെ കൊളുത്തിളക്കി പുളിക്കീഴ് പൊലീസ് സ്റ്റേഷനിൽ നിന്ന് പോക്സോ കേസ് പ്രതി ചാടിപ്പോയി. സംഭവത്തെത്തുടർന്ന് ആറ്റുവക്കത്തും പ്രതിയുടെ ഭാര്യവീടായ കണ്ണൂരിലും പൊലീസ് തിരച്ചിൽ ഊർജിതമാക്കി.
കോന്നിയിൽ നാട്ടുകാരെ ഭീതിയിലാഴ്ത്തിയ കരിമ്പുലി വനംവകുപ്പിന്റെ കെണിയിൽ കുടുങ്ങി. ഉൾവനത്തിൽ തുറന്നുവിടാനുള്ള തീരുമാനത്തിനെതിരെ പ്രദേശവാസികളുടെ പ്രതിഷേധം ശക്തമാകുന്നു.
വടശ്ശേരിക്കരയിലെ ഫ്രൂട്ട് സ്റ്റാളിൽനിന്ന് പണവും ഉപകരണങ്ങളും മോഷ്ടിച്ച സംഭവത്തിൽ സ്ഥിരം കുറ്റവാളിയായ എരുമേലി സ്വദേശി സുമേഷ് മോഹനൻ പിടിയിലായി.പെരുനാട് പൊലീസ് എരുമേലിയിൽനിന്ന് പിടികൂടിയ പ്രതിയെ കോടതി റിമാൻഡ് ചെയ്തു.
പത്തനംതിട്ട: സിപിഎം പത്തനംതിട്ട, ഇടുക്കി വിശാല ജില്ല കമ്മിറ്റി യോഗങ്ങളിൽ നേതൃത്വത്തിന് രൂക്ഷവിമർശനം. രണ്ടാം പിണറായി സർക്കാർ സാധാരണക്കാരനെ മറന്നെന്ന് പ്രതിനിധികൾ. കോടിയേരിയുടെ മകനും പിണറായിയുടെ മകൾക്കും പാർട്ടിയിൽ രണ്ട് നീതിയെന്നും വിമർശനമുയർന്നു. എം.എം. മണിക്ക് സീറ്റ് നിഷേധിച്ചത് ഇടുക്കിയിൽ തിരിച്ചടിയായെന്നും ജില്ല സെക്രട്ടറിക്ക് ക്വാറി മാഫിയയുമായി വഴിവിട്ട ബന്ധമെന്നും ആരോപണമുണ്ടായി. പിണറായി പ്രസംഗത്തിനിടെ ചോദ്യം ചോദിച്ചയാളോട് 'വീട്ടിൽ പോയി ചോദിക്കാൻ' പറഞ്ഞത് തിരിച്ചടിയായി എന്നും പ്രതിനിധികൾ പറഞ്ഞു.
പരിശുദ്ധ പരുമല തിരുമേനിയുടെ 124-ാമത് ഓർമപ്പെരുന്നാൾ പൊതുസമ്മേളനത്തിൽ നടൻ മമ്മൂട്ടി മുഖ്യാതിഥിയാകും. നവംബർ ഒന്നിന് പരുമല ദേവാലയ അങ്കണത്തിൽ നടക്കുന്ന ചടങ്ങ് പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവ ഉദ്ഘാടനം ചെയ്യും.
