ഓപ്പറേഷൻ തൂഫാന്റെ ഭാഗമായി കായംകുളത്ത് നടത്തിയ പരിശോധനയിൽ 13.43 കിലോ കഞ്ചാവുമായി നിരവധി ക്രിമിനൽ കേസുകളിൽ പ്രതിയായ അൻഷാദ് (31) അറസ്റ്റിലായി. സ്കൂട്ടറിൽ പ്ലാസ്റ്റിക് ചാക്കിൽ കടത്തുകയായിരുന്ന കഞ്ചാവ് കായംകുളം പോലീസും ജില്ലാ ലഹരിവിരുദ്ധ സ്ക്വാഡും ചേർന്നാണ് പിടകൂടിയത്.
ഹരിപ്പാട് കെഎസ്ആർടിസി ബസ് സ്റ്റാൻഡിന് സമീപം ബസിലേക്ക് ബുള്ളറ്റ് ഇടിച്ചുണ്ടായ അപകടത്തിൽ യുവാവ് മരിച്ചു. കുമാരപുരം സ്വദേശി അഞ്ചിത്ത് (24) ആണ് ചികിത്സയിലിരിക്കെ തിങ്കളാഴ്ച പുലർച്ചെ ദാരുണമായി മരിച്ചത്.
ആലപ്പുഴ ചെങ്ങന്നൂർ തിരുവൻവണ്ടൂരിൽ നാട്ടുകാരെ ഭീതിയിലാഴ്ത്തി ലഹരി സംഘത്തിന്റെ അഴിഞ്ഞാട്ടം; വടിവാളുമായി ഭീഷണി മുഴക്കിയ സംഭവത്തിൽ മൂന്ന് പേരെ പൊലീസ് പിടികൂടി.
കടലില്‍ ഒഴുകിനടന്ന കണ്ടെയ്‌നറില്‍ ഉടക്കി അമ്പലപ്പുഴ സ്വദേശികളുടെ 'ശബരിമല അയ്യന്‍' എന്ന ഡിസ്‌കോ വള്ളത്തിന്റെ വല പൂര്‍ണമായി നശിച്ചു. വലയിലുണ്ടായിരുന്ന മത്തിയുള്‍പ്പെടെ ഏകദേശം 18 ലക്ഷം രൂപയുടെ നഷ്ടമാണ് കണക്കാക്കുന്നത്.
കളമശ്ശേരി പീഡനക്കേസിലെ അതിജീവിതയെ മന്ത്രി ബിന്ദു കൃഷ്ണ സന്ദർശിച്ചു; കുറ്റക്കാർക്കെതിരെ ശക്തമായ നടപടി സ്വീകരിക്കുമെന്ന് സർക്കാർ വ്യക്തമാക്കി. സ്പായുടെ മറവിൽ പെൺകുട്ടികളെ ചൂഷണം ചെയ്ത പ്രതികൾക്കെതിരെ വ്യാപക അന്വേഷണം നടക്കുകയാണെന്ന് പൊലീസ് അറിയിച്ചു.
സർക്കാർ ആശുപത്രികളിൽ 1500 ഡോക്ടർമാരുടെയും 500 നഴ്സുമാരുടെയും പുതിയ തസ്തികകൾ സൃഷ്ടിക്കുമെന്ന് ആരോഗ്യ മന്ത്രി കെ. മുരളീധരൻ പ്രഖ്യാപിച്ചു. കൂടാതെ, സംസ്ഥാനത്തെ ആദ്യ കമ്മ്യൂണിറ്റി കിച്ചൻ 2027 ജനുവരി 1-ന് ആലപ്പുഴ മെഡിക്കൽ കോളേജിൽ ആരംഭിക്കുമെന്നും അദ്ദേഹം അറിയിച്ചു.
കാവാലം എസ്.ബി.ഐ ജങ്ഷന് സമീപം റോഡരികിലൂടെ നടന്നുപോകുന്നതിനിടെ ടോറസ് ലോറിയിടിച്ച് ഗുരുതരമായി പരുക്കേറ്റ കാവാലം പുതിയറയിൽ എ.എസ്. മോഹനൻ വൈദ്യർ (72) കോട്ടയം മെഡിക്കൽ കോളജ് ആശുപത്രിയിൽ മരിച്ചു.
ഓപ്പറേഷൻ തൂഫാന്റെ ഭാഗമായി അരൂരിൽ നടന്ന പരിശോധനയിൽ 5.38 ഗ്രാം എം.ഡി.എം.എയുമായി ചന്തിരൂർ സ്വദേശി അഫ്സൽ (34) പിടിയിലായി. ലഹരിക്കടത്തിൽ കൂടുതൽ പേർക്ക് പങ്കുണ്ടോയെന്നറിയാൻ ഇയാളെ കേന്ദ്രീകരിച്ച് പൊലീസ് അന്വേഷണം ആരംഭിച്ചു.
പൂച്ചാക്കലിൽ 1.710 ഗ്രാം എം.ഡി.എം.എയും 44.840 ഗ്രാം കഞ്ചാവുമായി ചേർത്തല സ്വദേശി ദർശൻ (29) അറസ്റ്റിലായി. 'ഓപ്പറേഷൻ തൂഫാന്റെ' ഭാഗമായി നടത്തിയ പരിശോധനയിൽ പൂച്ചാക്കൽ പൊലീസാണ് പ്രതിയെ പിടി കൂടി റിമാൻഡ് ചെയ്തത്.
യു.എ.ഇയിലെ റാസൽഖൈമയിലുണ്ടായ വാഹനാപകടത്തിൽ ചെങ്ങന്നൂർ മുളക്കുഴ സ്വദേശിയായ സനത് സനൽ (24) മരിച്ചു. വ്യാഴാഴ്ച രാത്രി ഫുട്പാത്തിലൂടെ നടന്നുപോകവെ അമിതവേഗതയിലെത്തിയ കാർ ഇടിച്ചുതെറിപ്പിച്ചതിനെ തുടർന്ന് ചികിത്സയിലായിരിക്കെയാണ് അന്ത്യം.
ആലപ്പുഴ ബൈപ്പാസിൽ ഓടിക്കൊണ്ടിരുന്ന മിനി ലോറിക്ക് തീപിടിച്ച് ക്യാബിൻ പൂർണമായും കത്തിനശിച്ചു. പുക ഉയർന്ന ഉടൻ ഡ്രൈവറും സംഘവും പുറത്തേക്കോടിയതിനാലും ഫയർഫോഴ്‌സ് എത്തിയതിനാലും വൻ അപകടം ഒഴിവായി.
ചേർത്തല: നാട്ടുകാരും ഹരിതകർമസേനയും സംരക്ഷിച്ചുവന്ന എ.എസ് കനാലിൽ ടാങ്കറിൽ കക്കൂസ് മാലിന്യം തള്ളിയ കേസിൽ കൊക്കോതമംഗലം ജോബി (43), മുഹമ്മ വിനോദ് (53) എന്നിവരെ ചേർത്തല പൊലീസ് അറസ്റ്റ് ചെയ്തു. പ്രതികളെ സ്ഥലത്തെത്തിച്ച് തെളിവെടുപ്പ് നടത്തിയ പൊലീസ്, പൊതുസ്ഥലങ്ങളിൽ മാലിന്യം തള്ളുന്നവർക്കെതിരെ ശക്തമായ നിയമനടപടി സ്വീകരിക്കുമെന്ന് മുന്നറിയിപ്പ് നൽകി.