ബേപ്പൂർ ഹാർബറിൽ ബോട്ടിലെ മീൻ സംഭരണ മുറിയിൽ വെച്ച് ദേഹാസ്വാസ്ഥ്യം അനുഭവപ്പെട്ട പശ്ചിമ ബംഗാൾ സ്വദേശി ദിലീപ് സുർ (53) മരിച്ചു. മീൻ അഴുകിയുണ്ടായ വിഷവാതകം ശ്വസിച്ചതാണ് അപകടകാരണമെന്നാണ് പ്രാഥമിക നിഗമനം.
കോഴിക്കോട്ടെ ജിംനേഷ്യം കേന്ദ്രീകരിച്ച് നടന്ന വൻ മയക്കുമരുന്ന് വേട്ട കേസിൽ പ്രതികൾക്ക് ലഹരി എത്തിച്ചുനൽകിയിരുന്ന മുഖ്യകണ്ണി യാസർ അറാഫത്ത് ബെംഗളൂരുവവിൽ പിടിയിലായി.
കോഴിക്കോട് അമ്മത്തൊട്ടിലിൽ ഏഴ് ദിവസം പ്രായമുള്ള പെൺകുഞ്ഞിനെ പൂർണ ആരോഗ്യവതിയായി ലഭിച്ചു.
മദ്യപിച്ച് വാഹനാപകടമുണ്ടാക്കിയ സംഭവത്തിൽ യൂട്യൂബർ അശ്വന്ത് കോക്ക് പോലീസിന് ഹാജരാക്കിയത് കാലാവധി കഴിഞ്ഞ ലൈസൻസാണെന്ന് കണ്ടെത്തി. ലൈസൻസില്ലാതെ വാഹനമോടിച്ചതിന് കൂടി കേസെടുത്ത മോട്ടോർ വാഹന വകുപ്പ്, അഞ്ച് വർഷത്തേക്ക് അശ്വന്തിന് ലൈസൻസ് പുതുക്കി നൽകില്ലെന്നും വ്യക്തമാക്കി.
മന്ത്രിമാർ സമരക്കാരോട് പ്രശ്നമുണ്ടാക്കുന്ന രീതി ശരിയല്ലെന്നും താൻ സമരക്കാരെ അടിക്കണമെന്നാണോ ആഗ്രഹിക്കുന്നതെന്നും യുവമോർച്ചയുടെ കരിങ്കൊടി പ്രതിഷേധത്തിൽ മന്ത്രി കെ എം ഷാജി പ്രതികരിച്ചു. കഴിഞ്ഞ സർക്കാരിനെപ്പോലെയല്ല ജനാധിപത്യപരമായി സമരങ്ങളെ നേരിടുന്ന പോളിസിയാണ് യുഡിഎഫിനുള്ളതെന്നും കറുപ്പ് തനിക്ക് പ്രിയപ്പെട്ട നിറമാണെന്നും അദ്ദേഹം വ്യക്തമാക്കി.
സംസ്ഥാനത്ത് കുട്ടികൾക്കിടയിൽ അഞ്ചാംപനി (മീസെൽസ്) പടർന്നുപിടിക്കുന്നതായി ആരോഗ്യവകുപ്പിന്റെ മുന്നറിയിപ്പ്.വാക്സിനേഷൻ കൃത്യമായി എടുക്കാത്തതിനെത്തുടർന്ന് രോഗവ്യാപനം ശക്തമായ മലപ്പുറത്തും കോഴിക്കോട്ടും കഴിഞ്ഞ ഒരു മാസത്തിനിടെ മൂന്ന് കുട്ടികൾ മരണപ്പെട്ടു.
ഭരണപരിഷ്‌കാര കമ്മിഷൻ അധ്യക്ഷ സ്ഥാനത്തെച്ചൊല്ലിയുള്ള മുന്നണി തർക്കങ്ങളിൽ പ്രതിഷേധിച്ച് വിവാദങ്ങൾക്കിടെ പദവി ഏറ്റെടുക്കാൻ പ്രയാസമുണ്ടെന്ന് മുസ്ലിം ലീഗ് നേതാവ് ഡോ. എം.കെ. മുനീർ വ്യക്തമാക്കി. പ്രതിപക്ഷ നേതാവ് വി.ഡി. സതീശനും യു.ഡി.എഫ് കൺവീനർ അടൂർ പ്രകാശും തമ്മിലുള്ള പരസ്യ പോരിനെത്തുടർന്നാണ് വിഷയം യു.ഡി.എഫിൽ വലിയ പൊട്ടിത്തെറിയായി മാറിയത്.
അശ്വന്ത് ഓടിച്ച വാഹനത്തിൽ നിന്നും രണ്ടു കുപ്പി മദ്യം കണ്ടെത്തിയിട്ടുണ്ട്. വാഹനം പൊലീസ് കസ്റ്റഡിയിലാണ്. ഇന്നലെ വൈകിട്ട് ഏഴ് മണിയോടെയാണ് എരഞ്ഞിപ്പാലം ജംഗ്ഷനിൽ വെച്ച് അശ്വന്ത് കോക്കിന്‍റെ വാഹനം അപകടമുണ്ടാക്കിയത്.