കോട്ടയം: ഒബ്സർവേഷൻ ഹോമിൽ ജാമ്യത്തിലെടുക്കാൻ ആരുമെത്താത്തതിനെ തുടർന്ന് ഇടുക്കി സ്വദേശിയായ 17-കാരൻ ജീവനൊടുക്കി. മോഷണക്കേസിൽ റിമാൻഡിലായിരുന്ന കൗമാരക്കാരനെ മൂന്നുതവണ കോടതിയിൽ ഹാജരാക്കിയിട്ടും ബന്ധുക്കളാരും ഏറ്റെടുക്കാൻ തയ്യാറായിരുന്നില്ല.
കോട്ടയം അയ്‌മനത്ത് 5.16 കോടി രൂപ കിഫ്ബി ഫണ്ടിൽ നിർമിച്ച ഇൻഡോർ സ്റ്റേഡിയം നിർമാണത്തിലെ അപകാതകളും അധികൃതരുടെ അനാസ്ഥയും കാരണം നശിക്കുന്നു. കെട്ടിടത്തിൽ വിള്ളലുകൾ വീഴുകയും കാടുകയറുകയും ചെയ്തതോടെ പ്രദേശം ദുരവസ്ഥയിലാവുകയും രാത്രികാലങ്ങളിൽ സാമൂഹികവിരുദ്ധരുടെ താവളമായി മാറുകയും ചെയ്തിരിക്കുകയാണ്.
ഇടിമിന്നലേറ്റ് ഗജരാജൻ പല്ലാട്ട് ബ്രഹ്മദത്തൻ ചരിഞ്ഞു ഈരാറ്റുപേട്ടയിൽ വീട്ടുപരിസരത്ത് തളച്ചിരുന്ന 45 വയസ്സുള്ള പ്രശസ്ത ആന പല്ലാട്ട് ബ്രഹ്മദത്തൻ ഞായറാഴ്ച വൈകീട്ടോടെയുണ്ടായ ശക്തമായ ഇടിമിന്നലേറ്റാണ് അന്ത്യശ്വാസം വലിച്ചത്.
കോട്ടയം മെഡിക്കൽ കോളേജിൽ ഹെർണിയ ശസ്ത്രക്രിയക്ക് വിധേയയായ ചങ്ങനാശ്ശേരി സ്വദേശി ഹസീന മരിച്ച സംഭവത്തിൽ ചികിത്സാപിഴവ് ആരോപിച്ച് കുടുംബം പോലീസിൽ പരാതി നൽകി. എന്നാൽ ചികിത്സാപിഴവുണ്ടായിട്ടില്ലെന്നും ശസ്ത്രക്രിയയ്ക്കു ശേഷമുണ്ടായ അണുബാധയാണ് മരണകാരണമെന്നുമാണ് ആശുപത്രി അധികൃതരുടെ വിശദീകരണം.
കടുത്തുരുത്തി മുട്ടുചിറയിൽ കാറും പാചകവാതക ലോറിയും കെ.എസ്.ആർ.ടി.സി ബസും കൂട്ടിയിടിച്ച് 12 പേർക്ക് പരുക്കേറ്റു.
കോട്ടയം പെരുവയിൽ നിർമ്മാണത്തിലിരിക്കുന്ന ചിപ്പ് നിർമ്മാണ ഫാക്ടറിയിൽ വൻ തീപിടിത്തം ഉണ്ടായി. ഡിസംബറിൽ ഉദ്ഘാടനം ചെയ്യാനിരുന്ന 'പി സി ബി എക്സ്പ്രസ്' എന്ന സ്ഥാപനത്തിലാണ് അപകടം നടന്നത്. എസിയിൽ നിന്നാണ് തീ പടർന്നതെന്നാണ് പ്രാഥമിക നിഗമനം.