ബംഗളൂരുവില്‍നിന്ന് കാറില്‍ ലഹരിമരുന്നുമായെത്തിയ തവനൂര്‍ സ്വദേശികളായ യുവാക്കള്‍ പിടിയിലായി തവനൂര്‍ കേന്ദ്രീകരിച്ച് ലഹരി വില്പന നടക്കുന്നുവെന്ന രഹസ്യവിവരത്തെ തുടര്‍ന്ന് പൊലീസ് നടത്തിയ നിരീക്ഷണത്തിനൊടുവിലാണ് പ്രതികള്‍ വലയിലായത്.
കൊടികുത്തിമല ഇക്കോ ടൂറിസം കേന്ദ്രത്തിൽ സഞ്ചാരികൾക്കായി സൂര്യോദയവും സൂര്യാസ്തമയവും കാണാൻ സൗകര്യമൊരുക്കി പ്രവേശന സമയം പുനഃക്രമീകരിച്ചു. ഇനിമുതൽ പുലർച്ചെ 1.30 മുതൽ വൈകുന്നേരം 6.30 വരെ ടിക്കറ്റ് എടുത്ത് പ്രവേശിക്കാമെന്നും തിങ്കളാഴ്ച ഒഴികെയുള്ള ദിവസങ്ങളിൽ പ്രവേശനമുണ്ടാകുമെന്നും അധികൃതർ അറിയിച്ചു.
കായൽപ്പാടങ്ങളിൽ താമരപ്പൂക്കൾ നിറഞ്ഞുവിരിഞ്ഞെങ്കിലും ആവശ്യക്കാരില്ലാത്തതും കടുത്ത വിലയിടിവും കാരണം തിരുനാവായയിലെ കർഷകർ പ്രതിസന്ധിയിലായി. 'പുഷ്പഗ്രാമം' പ്രഖ്യാപനം കടലാസിലൊതുങ്ങിയതോടെ സംഭരണ-വിപണന സംവിധാനങ്ങളും സർക്കാർ പിന്തുണയും വേണമെന്ന് കർഷകർ ആവശ്യപ്പെടുന്നു.
നിലമ്പൂർ മുത്തപ്പൻകുന്ന് വനമേഖലയിൽ നിന്ന് തേക്കും ഈട്ടിയും ഉൾപ്പെടെ വിലപിടിപ്പുള്ള മരങ്ങൾ വൻതോതിൽ വെട്ടിക്കടത്തി. കാഞ്ഞിരപ്പുഴ ഫോറസ്റ്റ് സ്റ്റേഷൻ പരിധിയിലാണ് ഈ മരംകൊള്ള നടന്നത്
മലപ്പുറം): ലഹരി നിർമാർജനത്തിനായി സർക്കാർ ആവിഷ്കരിച്ച 'ഓപ്പറേഷൻ തൂഫാന്റെ' രണ്ടാം ഘട്ടമായ 'തൂഫാൻ തദ്ദേശം' പദ്ധതിക്ക് വേങ്ങരയിൽ തുടക്കമായി. പദ്ധതിയുടെ സംസ്ഥാനതല ഉദ്ഘാടനം ആഭ്യന്തര മന്ത്രി രമേശ് ചെന്നിത്തല നിർവഹിച്ചു. ലഹരിക്കെതിരെയുള്ള പോരാട്ടം ഇനി സംസ്ഥാനത്തെ ഓരോ വാർഡുകളിലേക്കും വ്യാപിപ്പിക്കുമെന്നും, ഇതിനായി വാർഡ് തലങ്ങളിൽ പ്രത്യേക തൂഫാൻ സമിതികൾ രൂപീകരിക്കുമെന്നും ഉദ്ഘാടന പ്രസംഗത്തിൽ അദ്ദേഹം പറഞ്ഞു. തദ്ദേശ സ്വയംഭരണ മന്ത്രി കെ.എം. ഷാജി ഉൾപ്പെടെയുള്ള ജനപ്രതിനിധികളും ചടങ്ങിൽ പങ്കെടുത്തു. ലഹരി മാഫിയയെ വേരോടെ പിഴുതെറിയാൻ ലക്ഷ്യമിട്ട് നടപ്പിലാക്കുന്ന തൂഫാന്റെ രണ്ടാം ഘട്ടത്തിൽ വിദ്യാലയ കേന്ദ്രീകൃത പ്രതിരോധ പ്രവർത്തനങ്ങൾക്കും മുൻഗണന നൽകും. സംസ്ഥാനത്തെ എല്ലാ വിദ്യാലയങ്ങളിലും സന്നദ്ധ സംഘടനകളുടെ സഹകരണത്തോടെ സി.സി.ടി.വി ക്യാമറകൾ സ്ഥാപിക്കുമെന്ന് മന്ത്രി അറിയിച്ചു. ലഹരിക്കെതിരെയുള്ള പ്രതിരോധത്തിൽ നാടൊന്നാകെ പങ്കാളികളാകണമെന്നും എല്ലാവരും 'തൂഫാൻ വാരിയർ'മാർ ആകണമെന്നും അദ്ദേഹം ആഹ്വാനം ചെയ്തു. ലഹരി വലയിൽ അകപ്പെട്ടുപോയവരെ ജീവിതത്തിലേക്ക് തിരികെ കൊണ്ടുവരാനായി 'തൂഫാൻ കെയർ' എന്ന പേരിൽ പ്രത്യേക പുനരധിവാസ പദ്ധതിക്കും തുടക്കം കുറിച്ചിട്ടുണ്ട്. ബാധിതർക്ക് സൗജന്യവും മികച്ചതുമായ ചികിത്സയും സമഗ്രമായ പുനരധിവാസവും പദ്ധതിയിലൂടെ ഉറപ്പാക്കുമെന്നും ആഭ്യന്തര മന്ത്രി വ്യക്തമാക്കി. ആദ്യഘട്ട പ്രവർത്തനങ്ങളിലൂടെ സംസ്ഥാനത്തെ ലഹരി ഉപയോഗത്തിൽ 30 ശതമാനം വരെ കുറവുണ്ടാക്കാൻ കഴിഞ്ഞതായാണ് ഔദ്യോഗിക വിലയിരുത്തൽ. ഓപ്പറേഷൻ തൂഫാൻ ആരംഭിച്ച ശേഷം കഴിഞ്ഞ 117 ദിവസത്തിനിടെ വ്യാപക പരിശോധനകളാണ് സംസ്ഥാനത്തുടനീളം നടന്നത്. ഇതുവരെ 11,677 കേസുകൾ രജിസ്റ്റർ ചെയ്യുകയും 12,584 പേരെ അറസ്റ്റ് ചെയ്യുകയും ചെയ്തിട്ടുണ്ട്. വരും ദിവസങ്ങളിൽ കൂടുതൽ ശക്തമായ നിയമനടപടികളും ലഹരിവിരുദ്ധ ബോധവൽക്കരണവും തദ്ദേശ സ്ഥാപനങ്ങളുടെ സഹകരണത്തോടെ നടപ്പിലാക്കാനാണ് തീരുമാനം.
മുസ്ലിം പെൺകുട്ടികളുടെ പുരോഗതിയും മാറ്റവും മനസിലാക്കാൻ സമുദായ സംഘടനകൾക്ക് സാധിക്കുന്നില്ലെന്ന് മന്ത്രി ഷാജി. നിരീശ്വരവാദികളുടെ പേജുകൾ കൂടുതലായി പിന്തുടരുന്നത് ഇവരാണെന്നും, പുതിയ തലമുറയെ നയിക്കാൻ സംഘടനകൾക്ക് കഴിയുന്നില്ലെന്നും ആശങ്ക പ്രകടിപ്പിച്ചു.