ന്യൂനപക്ഷ, സ്ത്രീ, ദളിത് വോട്ടർമാരെ ഒഴിവാക്കിയതിനെതിരെ തെരഞ്ഞെടുപ്പ് ഓഫീസർക്ക് രേഖാമൂലം പരാതി നൽകിയിരുന്നെന്നും പ്രതിഷേധങ്ങളെ ബി.ജെ.പിയും യു.ഡി.എഫും അടിച്ചമർത്തുകയാണെന്നും എം.വി. ജയരാജൻ കാസർകോട്ട് പറഞ്ഞു.
കാസർകോട് കേന്ദ്ര സർവകലാശാലയിലെ വന്ദേമാതരം സെമിനാറിനെതിരെ സംഘപരിവാർ വർഗീയ അജണ്ടയെന്നാരോപിച്ച് വി.സിക്കെതിരെ എസ്.എഫ്.ഐ സംസ്ഥാന സെക്രട്ടറി പി.എസ്. സഞ്ജീവ് രംഗത്തെത്തി. പോലീസിൻ്റെ മർദനത്തെയും സംഘാടന പോരായ്മകളിൽ വിദ്യാഭ്യാസ വകുപ്പിനെയും അദ്ദേഹം കടുപ്പത്തിൽ വിമർശിച്ചു.
കാസർകോട് കേന്ദ്ര സർവകലാശാലയിൽ വന്ദേമാതരം സെമിനാറിനെതിരെയുള്ള വിദ്യാർഥി പ്രതിഷേധത്തിൽ പൊലീസുമായി രൂക്ഷമായ ഉന്തും തള്ളുമുണ്ടായി. സംഘ്പരിവാർ സഹകരണത്തോടെയുള്ള കാവിവൽക്കരണ നീക്കത്തിനെതിരെ എസ്.എഫ്.ഐ, കെ.എസ്.യു, എം.എസ്.എഫ് അടക്കമുള്ള സംഘടനകളാണ് പ്രതിഷേധം ശക്തമാക്കിയത്.
വൈദ്യുതി മുടങ്ങി ഇൻവെർട്ടറിന്റെ ചാർജ് തീർന്നതിനെ തുടർന്ന് കൃത്രിമ ഓക്സിജൻ ലഭിക്കാതെ അതിഞ്ഞാലിലെ വയോധിക മരിച്ചു. വൈദ്യുതി വകുപ്പിന്റെ ഗുരുതര അനാസ്ഥയാണ് മരണത്തിന് കാരണമെന്ന് ആരോപിച്ച് നാട്ടുകാരും ബന്ധുക്കളും രംഗത്തെത്തി.
കാസർകോട് വെള്ളരിക്കുണ്ടിൽ വിളവെടുപ്പിന് രണ്ടുമാസം ബാക്കിനിൽക്കെ കാട്ടുപന്നിക്കൂട്ടം രണ്ടര ഏക്കറോളം വരുന്ന കൃഷി നശിപ്പിച്ചു. ആയിരത്തോളം കപ്പയും ഇരുന്നൂറോളം ചേനയുമുൾപ്പെടെ നശിച്ചതിലൂടെ ഒന്നര ലക്ഷം രൂപയുടെ നഷ്ടമുണ്ടായതായി കർഷകർ പറയുന്നു.