മുതിർന്ന പൗരന്മാരെ ഉപദ്രവിച്ചാൽ മൂന്ന് വർഷം വരെ തടവ്: സമഗ്ര നിയമനിർമ്മാണത്തിനൊരുങ്ങി കേരള സർക്കാർ

തിരുവനന്തപുരം: സംസ്ഥാനത്തെ മുതിർന്ന പൗരന്മാരുടെ സംരക്ഷണവും ക്ഷേമവും ഉറപ്പുവരുത്തുന്നതിനായി കർശന വ്യവസ്ഥകളോടെ സമഗ്ര നിയമനിർമാണത്തിന് ഒരുങ്ങി കേരള സർക്കാർ. ഇതുസംബന്ധിച്ച 'മുതിർന്ന പൗരന്മാരുടെ സംരക്ഷണവും ക്ഷേമവും (ഭേദഗതി) ബില്ല്' നിയമസഭയുടെ നിലവിലെ സമ്മേളനത്തിൽ സർക്കാർ അവതരിപ്പിക്കും. വയോജനങ്ങൾക്ക് നേരെയുള്ള അതിക്രമങ്ങൾ തടയുന്നതിനും അവകാശങ്ങൾ സംരക്ഷിക്കുന്നതിനും കടുത്ത ശിക്ഷാനടപടികളാണ് ഭേദഗതിയിൽ ഉൾപ്പെടുത്തിയിട്ടുള്ളത്.

• കഠിന ശിക്ഷ: മുതിർന്ന പൗരന്മാരെ ശാരീരികമായോ മാനസികമായോ ഉപദ്രവിക്കുക, വീടുകളിൽ നിന്ന് ഇറക്കിവിടുക, പരിചരിക്കാതെ ഉപേക്ഷിക്കുക തുടങ്ങിയവ മൂന്ന് വർഷം വരെ തടവും സാമ്പത്തിക പിഴയും ലഭിക്കാവുന്ന കുറ്റകൃത്യങ്ങളായി മാറും.

മുതിർന്ന പൗരന്മാർക്ക് അന്തസ്സോടെയും ഭയരഹിതമായും ജീവിക്കാനുള്ള സാഹചര്യം സംസ്ഥാനത്ത് ഉറപ്പുവരുത്തുകയാണ് പുതിയ നിയമനിർമാണത്തിലൂടെ സർക്കാർ ലക്ഷ്യമിടുന്നത്.