ട്രെയിൻ യാത്രക്കാർക്ക് ഇരട്ടിമധുരം; ബെം​ഗളൂരു- എറണാകുളം ഇന്റർസിറ്റി എക്സ്പ്രസിന് ഒറ്റപ്പാലത്ത്, നവരാത്രിക്ക് സ്പെഷ്യൽ ട്രെയിൻ

ബെംഗളൂരു: ട്രെയിൻ യാത്രക്കാർക്ക് ഇരട്ടിമധുരവുമായി ദക്ഷിണ റെയിൽവേയുടെ പുതിയ പ്രഖ്യാപനങ്ങൾ. ബെംഗളൂരു-എറണാകുളം ഇന്റർസിറ്റി എക്സ്പ്രസിന് ഒറ്റപ്പാലത്ത് പരീക്ഷണാടിസ്ഥാനത്തിൽ ഒരു മിനിറ്റ് സ്റ്റോപ്പ് അനുവദിച്ചു. ഇതനുസരിച്ച് എറണാകുളത്തേക്കുള്ള ട്രെയിൻ ഉച്ചയ്ക്ക് 2.30-നും ബംഗളൂരുവിലേക്കുള്ള ട്രെയിൻ രാവിലെ 10.59-നും ഒറ്റപ്പാലത്ത് എത്തും. കൂടാതെ, നവരാത്രി ആഘോഷങ്ങളുടെ തിരക്ക് കണക്കിലെടുത്ത് ബംഗളൂരു കന്റോൺമെന്റിൽ നിന്ന് ഒക്ടോബർ 16-ന് വൈകിട്ട് 4.40-ന് പുറപ്പെട്ട് സേലം, പാലക്കാട്, കോട്ടയം വഴി ശനിയാഴ്ച രാവിലെ 10.30-ന് തിരുവനന്തപുരത്ത് എത്തുന്ന പ്രത്യേക ട്രെയിൻ സർവീസും പ്രഖ്യാപിച്ചിട്ടുണ്ട്. ഈ സ്പെഷ്യൽ ട്രെയിനിന്റെ മടക്കയാത്ര ശനിയാഴ്ച ഉച്ചയ്ക്ക് 12.40-നാണ് ക്രമീകരിച്ചിരിക്കുന്നത്.