മുന്നിൽ സഞ്ചരിച്ച കാർ സഡൻ ബ്രേക്കിട്ടു, ബൈക്ക് യാത്രക്കാരി എതിർദിശയിൽ വന്ന മിനി ടിപ്പർ ലോറിയുടെ അടിയിൽപ്പെട്ടു; നഴ്സിന് ദാരുണാന്ത്യം
Nazeema
സ്റ്റാഫ് റിപ്പോർട്ടർ
കാക്കനാട് സീപോർട്ട്-എയർപോർട്ട് റോഡിൽ മുന്നിൽ പോയ കാർ പെട്ടെന്ന് ബ്രേക്കിട്ടതിനെത്തുടർന്ന് ബൈക്കിൽനിന്ന് തെറിച്ചുവീണ് മിനി ടിപ്പറിനടിയിൽപ്പെട്ട് നഴ്സ് ദാരുണമായി മരിച്ചു. ഇടുക്കി പീരുമേട് സ്വദേശിനിയും എറണാകുളം മെഡിക്കൽ ട്രസ്റ്റ് ആശുപത്രിയിലെ സ്റ്റാഫ് നഴ്സുമായ ബിന്നി ആന്റണിയാണ് (25) മരിച്ചത്.
കാക്കനാട്: സീപോർട്ട് - എയർപോർട്ട് റോഡിലുണ്ടായ വാഹനാപകടത്തിൽ സ്റ്റാഫ് നഴ്സിന് ദാരുണാന്ത്യം. എറണാകുളം മെഡിക്കൽ ട്രസ്റ്റ് ആശുപത്രിയിലെ സ്റ്റാഫ് നഴ്സും, ഇടുക്കി പീരുമേട് പാലൂർകാവ് ആലഞ്ചേരിൽ വീട്ടിൽ ആന്റണിയുടെ മകളുമായ ബിന്നി ആന്റണി (25) ആണ് മരിച്ചത്.
വ്യാഴാഴ്ച രാത്രി ഒൻപതുമണിയോടെ ഇരുമ്പനം പുതിയ റോഡ് ജങ്ഷന് സമീപമായിരുന്നു അപകടം. സുഹൃത്തായ ഇടുക്കി പെരുവന്താനം തെക്കേമല ആക്കാട്ട് വീട്ടിൽ വിനീതിനൊപ്പം (29) ബൈക്കിൽ കാക്കനാട് ഭാഗത്തേക്ക് സഞ്ചരിക്കുകയായിരുന്ന ബിന്നി യാത്രാമധ്യേ അപകടത്തിൽപ്പെടുകയായിരുന്നു.
യുവതിയും സഞ്ചരിച്ച വാഹനം മുന്നിൽ പോവുകയായിരുന്ന കാറിനെ മറികടക്കാൻ ശ്രമിക്കുന്നതിനിടയിലോ പെട്ടെന്നുണ്ടായ പ്രതിസന്ധിയിലോ സംഭവിച്ചതാകാമെന്നാണ് പ്രാഥമിക നിഗമനം. മുന്നിൽ സഞ്ചരിച്ച കാർ പെട്ടെന്ന് സഡൻ ബ്രേക്ക്യിട്ടതിനെത്തുടർന്ന് നിയന്ത്രണം വിട്ട ബൈക്ക് കാറിന്റെ പിന്നിലിടിക്കുകയായിരുന്നു.
ഇടിയുടെ ആഘാതത്തിൽ ബൈക്കിന്റെ പിന്നിലിരുന്ന ബിന്നി റോഡിലേക്ക് തെറിച്ചുവീണു. ഈ സമയം എതിർദിശയിൽ വരികയായിരുന്ന മിനി ടിപ്പർ ലോറിയുടെ അടിയിലേക്കാണ് യുവതി വീണത്. തലയ്ക്ക് ഗുരുതരമായി പരിക്കേറ്റ ബിന്നി സംഭവസ്ഥലത്ത് വെച്ചുതന്നെ മരണത്തിന് കീഴടങ്ങി.
