കോതമംഗലത്ത് ഹോസ്റ്റൽ കെട്ടിടത്തിൽ നിന്ന് വീണ് എൻജിനീയറിങ് വിദ്യാർത്ഥി മരിച്ചു

കോതമംഗലം: ഹോസ്റ്റൽ കെട്ടിടത്തിൽ നിന്ന് വീണ് എൻജിനീയറിങ് വിദ്യാർത്ഥി മരിച്ചു. കോതമംഗലം എം.എ കോളേജ് വിദ്യാർത്ഥിയായ ആയേഷ് ആണ് മരിച്ചത്. വെള്ളിയാഴ്ച വൈകുന്നേരം അഞ്ചുമണിയോടെയായിരുന്നു സംഭവം.

കെട്ടിടത്തിൽ നിന്ന് വീണ് ഗുരുതരമായി പരിക്കേറ്റ ആയേഷിനെ ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവം ആത്മഹത്യയാണെന്ന് സംശയിക്കുന്നതായി പോലീസ് പറഞ്ഞു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.