പിണറായി വിജയന്റെ അഡീഷണൽ പ്രൈവറ്റ് സെക്രട്ടറിയായി വീണ്ടും പി എം മനോജ്
Samanyu
സ്റ്റാഫ് റിപ്പോർട്ടർ
തിരുവനന്തപുരം: പ്രതിപക്ഷ നേതാവ് പിണറായി വിജയന്റെ അഡീഷണല്‍ പ്രൈവറ്റ് സെക്രട്ടറിയായി പി എം മനോജ്. മാധ്യമങ്ങളുമായി ബന്ധപ്പെട്ട ചുമതലകളാണ് മനോജ് നിര്‍വഹിക്കുക. മുഖ്യമന്ത്രിയായിരിക്കെ പിണറായി വിജയന്റെ പ്രസ്സ് സെക്രട്ടറി ആയി പി എം മനോജ് പ്രവര്‍ത്തിച്ചിട്ടുണ്ട്.
പ്രതിപക്ഷ നേതാവിനൊപ്പം മാധ്യമങ്ങളുമായി ആശയവിനിമയം നടത്തുന്നതിനാണ് അഡീഷണല്‍ പ്രൈവറ്റ് സെക്രട്ടറിയായുള്ള നിയമനം. ഓഫീസ് ചുമതലകളിലെ മാറ്റങ്ങളുടെ ഭാഗമായാണ് ഇതെന്നാണ് വിവരം.
നിലവിൽ മാധ്യമങ്ങളുമായി ബന്ധപ്പെട്ട് പ്രവര്‍ത്തിച്ചിരുന്ന അഡീഷണല്‍ പ്രൈവറ്റ് സെക്രട്ടറി മനോഹരന്‍ മൊറായിക്ക് പകരമായാണ് ചുമതലയേല്‍ക്കുന്നത്. പാര്‍ട്ടി തലത്തിലെ മാറ്റത്തിന്റെ ഭാഗമായാണ് പ്രതിപക്ഷ സ്ഥാനത്തേക്ക് എത്തിയപ്പോള്‍ ദേശാഭിമാനിയിലെ മുതിര്‍ന്ന മാധ്യമപ്രവര്‍ത്തകനായിരുന്ന മനോഹരന്‍ മൊറായിയെ പ്രൈവറ്റ് സെക്രട്ടറിയാക്കിയത്.
