പരമ്പരാ​ഗത നെൽകൃഷിയുടെ സംരക്ഷകൻ ചെറുവയൽ രാമൻ അന്തരിച്ചു

വയനാട്: പരമ്പരാഗത നെൽകൃഷിയുടെ സംരക്ഷകനും പത്മശ്രീ ജേതാവുമായ ചെറുവയൽ രാമൻ (74) അന്തരിച്ചു. പാരമ്പര്യ നെൽവിത്തുകളുടെ വൈവിധ്യം കാത്തുസൂക്ഷിക്കുന്നതിലും ജൈവകൃഷി രീതികൾ പ്രോത്സാഹിപ്പിക്കുന്നതിലും ജീവിതം ഉഴിഞ്ഞുവെച്ച പ്രകൃതിസ്നേഹിയായിരുന്നു അദ്ദേഹം.

പാരമ്പര്യ നെൽവിത്തുകളുടെയും തനത് കൃഷിരീതികളുടെയും കാവലാളായി അറിയപ്പെട്ടിരുന്ന അദ്ദേഹത്തിന്റെ നിര്യാണം കാർഷിക കേരളത്തിന് വലിയ നഷ്ടമാണ്. നാടൻ വിത്തിനങ്ങളുടെ ശേഖരവും സംരക്ഷണവും വഴി ഇന്ത്യയൊട്ടാകെ ശ്രദ്ധിക്കപ്പെട്ട ചെറുവയൽ രാമന്റെ സേവനങ്ങളെ മാനിച്ച് 2023-ൽ രാജ്യം പത്മശ്രീ നൽകി അദ്ദേഹത്തെ ആദരിച്ചിരുന്നു.

വയനാട് മാനന്തവാടി കമ്മനയിലെ വസതിയിലായിരുന്നു അന്ത്യം.