മാസപ്പടി കേസ്; സുപ്രീംകോടതിയെ സമീപിക്കാൻ ഒരുങ്ങി പിണറായി വിജയന്‍, നീക്കം ഹൈക്കോടതി ഡിവിഷൻ ബെഞ്ച് അപ്പീല്‍ തള്ളിയതോടെ

തിരുവനന്തപുരം: സിഎംആര്‍എല്‍ മാസപ്പടി കേസിൽ മുഖ്യമന്ത്രി പിണറായി വിജയൻ അടക്കമുള്ളവർക്ക് തിരിച്ചടി. ഹർജി ഹൈക്കോടതി ഡിവിഷൻ ബെഞ്ച് തള്ളിയതിനെ തുടർന്ന് സുപ്രീംകോടതിയെ സമീപിക്കാൻ ഒരുങ്ങി പിണറായി വിജയൻ. അഴിമതിയിൽ തെളിവ് ഉണ്ടെങ്കിൽ പ്രാഥമിക അന്വേഷണം വേണ്ടെന്ന സിംഗിൾ ബെഞ്ച് ഉത്തരവ് ഡിവിഷൻ ബെഞ്ച് ശരിവെച്ചു. എഫ്ഐആര്‍ രജിസ്റ്റർ ചെയ്യുന്നതിൽ അഴിമതി കേസിൽ പ്രതിയായ ഒരാളെ കേൾക്കേണ്ടതില്ലെന്നും കോടതി വ്യക്തമാക്കി. എഫ്ഐആർ റദ്ദ് ചെയ്യണമെന്ന് ആവശ്യപ്പെട്ട് പ്രതികൾക്ക് കോടതിയെ സമീപിക്കാമെന്നും എന്നാൽ പ്രാഥമിക അന്വേഷണം നടത്തണമെന്ന് പ്രതികൾക്ക് ആവശ്യപ്പെടാനാവില്ലെന്നും ഡിവിഷൻ ബെഞ്ച് നിരീക്ഷിച്ചു. സിംഗിൾ ബെഞ്ചിന്റെ ഉത്തരവിനെതിരെയുള്ള അപ്പീൽ തള്ളിയതോടെയാണ് കേസ് സുപ്രീംകോടതിയിൽ എത്തിക്കാനുള്ള നീക്കം ആരംഭിച്ചത്.