കൊല്ലത്ത് അഭിഭാഷകനെയും സുഹൃത്തിനെയും മർദിച്ച സംഭവം; പൊലീസ് ഉദ്യോഗസ്ഥന് സസ്പെൻഷൻ, പരാതി നൽകിയത് സിസിടിവി ദൃശ്യം സഹിതം

കൊല്ലത്ത് അഭിഭാഷകനെയും സുഹൃത്തിനെയും പൊലീസുകാരൻ ക്രൂരമായി മർദിച്ച സംഭവത്തിൽ ഇരവിപുരം സ്‌റ്റേഷനിലെ സി.പി.ഒ അൽ സഫീറിനെ സർവീസിൽ നിന്ന് സസ്‌പെൻഡ് ചെയ്തു. കണ്ണനല്ലൂർ സ്വദേശിയായ അഭിഭാഷകൻ ഗുൽസർ, സുഹൃത്ത് എന്നിവർക്ക് നേരെയാണ് പൊലീസുകാരന്റെ അകാരണമായ കൈയേറ്റമുണ്ടായത്.

സംഭവത്തിന്റെ സി.സി.ടി.വി ദൃശ്യങ്ങൾ സഹിതം അഭിഭാഷകൻ ഡി.ജി.പിക്കും ആഭ്യന്തര മന്ത്രിക്കും പരാതി നൽകിയിരുന്നു. തുടർന്ന് നടത്തിയ പ്രാഥമിക അന്വേഷണത്തിന്റെ അടിസ്ഥാനത്തിലാണ് പൊലീസുകാരനെതിരെ നടപടി സ്വീകരിച്ചത്.