ടൊയോട്ട കാറുകൾക്ക് 13 ലക്ഷം വരെയുള്ള വമ്പൻ ഓഫറുകൾ!

ഒക്ടോബർ ഉത്സവ സീസൺ പ്രമാണിച്ച് ടൊയോട്ട കാറുകൾക്ക് ആകർഷകമായ ഓഫറുകളും വിലക്കിഴിവുകളും പ്രഖ്യാപിച്ചു. ജനപ്രിയ മോഡലായ ഗ്ലാൻസ മുതൽ പ്രീമിയം എസ്.യു.വിയായ ലാൻഡ് ക്രൂയിസർ 300 വരെയുള്ള വാഹനങ്ങൾക്ക് 10,000 രൂപ മുതൽ 13.38 ലക്ഷം രൂപ വരെ ആനുകൂല്യങ്ങൾ ലഭിക്കും. ക്യാഷ് ഡിസ്‌കൗണ്ടുകൾ, എക്‌സ്‌ചേഞ്ച് ബോണസ്, ഫിനാൻസ് ആനുകൂല്യങ്ങൾ, ആക്‌സസറികൾ എന്നിവ ഉൾപ്പെടുന്നതാണ് ഓഫറുകൾ.

കാർടോക്ക് റിപ്പോർട്ട് പ്രകാരം ലാൻഡ് ക്രൂയിസർ 300-ന്റെ 2025 മോഡൽ സ്റ്റോക്കുകൾക്കാണ് ഏറ്റവും വലിയ ഓഫർ ലഭിക്കുന്നത്. എന്നാൽ പരമാവധി ആനുകൂല്യത്തുക മുഴുവനായും നേരിട്ടുള്ള വിലക്കിഴിവല്ലെന്ന് അധികൃതർ വ്യക്തമാക്കി.

ഗ്ലാൻസ, ടൈസർ മോഡലുകൾക്ക് മികച്ച ആനുകൂല്യം

• ടൊയോട്ട ഗ്ലാൻസ: പഴയ ടൊയോട്ട കാറുകൾ എക്‌സ്‌ചേഞ്ച് ചെയ്യുന്നവർക്ക് 25,000 രൂപ ക്യാഷ് ഡിസ്‌കൗണ്ട് ഉൾപ്പെടെ പരമാവധി 40,000 രൂപ വരെ ലഭിക്കും. സർക്കാർ ജീവനക്കാർ, ഗ്രാമീണ ഉപഭോക്താക്കൾ, ടി-സ്പർശ് ഉപഭോക്താക്കൾ എന്നിവർക്ക് 5,000 രൂപയുടെ അധിക ആനുകൂല്യവുമുണ്ട്. എല്ലാ ആനുകൂല്യങ്ങളും ചേർത്ത് ഗ്ലാൻസയിൽ മൊത്തം 70,000 രൂപ വരെ കിഴിവ് ലഭിച്ചേക്കാം.

• അർബൻ ക്രൂയിസർ ടൈസർ: സാധാരണ വേരിയന്റുകൾക്ക് ₹25,000 ക്യാഷ് ഡിസ്‌കൗണ്ടും ₹20,000 എക്‌സ്‌ചേഞ്ച് ആനുകൂല്യവും ഉൾപ്പെടെ മൊത്തം ₹45,000 വരെ ലഭിക്കും. ടർബോ ഇതര, സി.എൻ.ജി വേരിയന്റുകൾക്ക് ₹40,000 വരെയാണ് ഓഫർ.

ഹൈറൈഡറിന് 1.25 ലക്ഷം രൂപ വരെ ഓഫർ

അർബൻ ക്രൂയിസർ ഹൈറൈഡറിന്റെ സ്‌ട്രോങ് ഹൈബ്രിഡ് വേരിയന്റിന് ₹25,000 ക്യാഷ് ഡിസ്‌കൗണ്ട്, ₹50,000 വരെ ഫിനാൻസ് ആനുകൂല്യം, പഴയ ടൊയോട്ട വാഹനങ്ങൾക്ക് ₹50,000 വരെ എക്‌സ്‌ചേഞ്ച് ബോണസ് എന്നിവ ലഭിക്കും. മറ്റ് കമ്പനികളുടെ തിരഞ്ഞെടുത്ത കാറുകൾ എക്‌സ്‌ചേഞ്ച് ചെയ്യുമ്പോൾ ₹10,000 അധിക ആനുകൂല്യവും കോർപ്പറേറ്റ് ഉപഭോക്താക്കൾക്ക് ₹25,000 വരെയും ലഭിക്കും. മൊത്തം ആനുകൂല്യം ₹1.25 ലക്ഷം വരെയാകാം. നിയോഡ്രൈവ്, സി.എൻ.ജി വേരിയന്റുകൾക്ക് 15,000 രൂപയാണ് ക്യാഷ് ഡിസ്‌കൗണ്ട്.

റൂമിയൺ, ഹൈലക്‌സ്, ഫോർച്യൂണർ ഓഫറുകൾ

• റൂമിയൺ: നിയോഡ്രൈവ് വേരിയന്റിന് ₹15,000, സി.എൻ.ജി വേരിയന്റിന് ₹10,000 എന്നിങ്ങനെയാണ് ക്യാഷ് ഡിസ്‌കൗണ്ട്.

• ഹൈലക്‌സ്: വി.എക്‌സ് 4x4 എ.ടി വേരിയന്റിന് ₹39,000 വരെയും ജി.എക്‌സ് 4x2 എ.ടിക്ക് ₹37,000 വരെയും ജി.എക്‌സ് 4x4 എ.ടിക്ക് ₹10,700 വരെയും ആക്‌സസറി ആനുകൂല്യങ്ങൾ ലഭ്യമാണ്.

• ഫോർച്യൂണർ & ലെജൻഡർ: ഫോർച്യൂണർ നിയോഡ്രൈവിന് 59,000 രൂപ വരെയും ലെജൻഡർ നിയോഡ്രൈവിന് ₹47,000 വരെയും ക്യാഷ് ആനുകൂല്യങ്ങളുണ്ട്.

കാമ്രി, ലാൻഡ് ക്രൂയിസർ 300

• കാമ്രി: എലഗന്റ് എഡിഷന് 1.75 ലക്ഷം ഫ്ലാറ്റ് ക്യാഷ് ഡിസ്‌കൗണ്ട് ഉൾപ്പെടെ മൊത്തം ₹3,27,416 വരെ ആനുകൂല്യം ലഭിക്കും. സ്പ്രിന്റ് എഡിഷന് ₹1.25 ലക്ഷം ക്യാഷ് ഡിസ്‌കൗണ്ടോടെ മൊത്തം ₹2,77,416 വരെയാണ് ഇളവ്.

• ലാൻഡ് ക്രൂയിസർ 300: കമ്പനിയുടെ ഏറ്റവും ഉയർന്ന ഓഫർ ലാൻഡ് ക്രൂയിസറിനാണ്. 7 ലക്ഷം രൂപ ക്യാഷ് ഡിസ്‌കൗണ്ട്, 7.30 ലക്ഷം രൂപ വരെയുള്ള ഫിനാൻസ് ഓഫർ, 50,000 രൂപ എക്‌സ്‌ചേഞ്ച് ബോണസ്, 'ടി സെക്യൂർ' പാക്കേജ്, ആക്‌സസറികൾ എന്നിവയടക്കം പരമാവധി ₹13,37,980 വരെയുള്ള ആനുകൂല്യങ്ങളാണ് ലഭിക്കുക.

ഡീലർഷിപ്പ്, വേരിയന്റ്, ലഭ്യമായ സ്റ്റോക്ക്, ഉപഭോക്തൃ യോഗ്യത എന്നിവ അനുസരിച്ച് ഓഫറുകളിൽ മാറ്റമുണ്ടാകാം. വാഹനം വാങ്ങുന്നതിന് മുൻപ് തൊട്ടടുത്തുള്ള ടൊയോട്ട ഡീലർഷിപ്പുമായി ബന്ധപ്പെട്ട് വ്യക്തത വരുത്തേണ്ടതാണ്.