ഷൊർണൂരിൽ നിന്ന് കാണാതായ കുടുംബത്തെ കർണാടകയിൽ കണ്ടെത്തി; നിർണായകമായത് ഉപേക്ഷിച്ച പിക്കപ്പ് വാൻ
പാലക്കാട്: ഷൊർണൂർ വാണിയംകുളത്ത് നിന്ന് پراسرാര സാഹചര്യത്തിൽ കാണാതായ മൂന്നംഗ കുടുംബത്തെ കർണാടകയിൽ കണ്ടെത്തി. വാണിയംകുളം പനയൂർ സ്വദേശികളായ ബാബു ഭാസ്കർ, ഭാര്യ രമാദേവി, മകൻ വിഷ്ണു എന്നിവരെയാണ് കർണാടകയിലെ മൈസൂരു ചാമരാജ് നഗറിൽ കണ്ടെത്തിയത്. ഇവർ ഇവിടെയെത്തിയതിന്റെ സിസിടിവി ദൃശ്യങ്ങൾ പൊലീസിന് ലഭിച്ചിരുന്നു.
കഴിഞ്ഞ ഒൻപതാം തീയതി പുലർച്ചെ മുതലാണ് ഇവരെ കാണാതാകുന്നത്. ഫോണിൽ ബന്ധപ്പെടാൻ കഴിയാതെ വന്നതോടെ ബന്ധുക്കൾ അയൽവാസികളെയും പൊലീസിനെയും വിവരമറിയിക്കുകയായിരുന്നു. തുടർന്ന് നടത്തിയ അന്വേഷണത്തിൽ ഇവർ സഞ്ചരിച്ചിരുന്ന പിക്കപ്പ് വാഹനം വഴിക്കടവ് ചുരത്തിൽ ഉപേക്ഷിച്ച നിലയിൽ കണ്ടെത്തി. ഇത് അന്വേഷണത്തിൽ വലിയ വഴിത്തിരിവായി. ബാബു ഭാസ്കറിന്റെ മൂത്തമകൻ വൈശാഖും ഇവരെ കണ്ടെത്തുന്നതിനായി കർണാടകയിൽ എത്തിയിരുന്നു. നിലവിൽ ഇവരുടെ മൊഴി രേഖപ്പെടുത്തുന്നതുൾപ്പെടെയുള്ള തുടർ നടപടികളുമായി മുന്നോട്ട് പോവുകയാണ് പൊലീസ്.
