കാറിലിരുന്ന് മുഖത്ത് തുപ്പിയത് ചോദ്യം ചെയ്തു; സ്‌കൂട്ടര്‍ യാത്രക്കാരന് മര്‍ദനം
Nazeema
സ്റ്റാഫ് റിപ്പോർട്ടർ
കൊച്ചിയിൽ കാറിലിരുന്ന് മുഖത്തേക്ക് തുപ്പിയത് ചോദ്യം ചെയ്ത സ്കൂട്ടർ യാത്രക്കാരന് ക്രൂരമർദനമേൽക്കുകയും ഹെൽമറ്റ് തകർക്കപ്പെടുകയും ചെയ്തു. കടവന്ത്ര പൊലീസ് കണ്ടാലറിയാവുന്ന പ്രതികൾക്കെതിരെ കേസെടുത്ത് അന്വേഷണം ആരംഭിച്ചു.
കൊച്ചി: കാറിലിരുന്ന് മുഖത്തേക്ക് തുപ്പിയത് ചോദ്യം ചെയ്ത സ്കൂട്ടർ യാത്രക്കാരന് ക്രൂരമർദനം. കലൂർ-കടവന്ത്ര റോഡിൽ നടന്ന സംഭവത്തിൽ കടവന്ത്ര സ്വദേശി റിജോ ജോയിക്ക് (42) ആണ് മർദനമേറ്റത്.
റിജോ സ്കൂട്ടറിൽ സഞ്ചരിക്കവെ, മുന്നിൽ പോവുകയായിരുന്ന കാറിലുണ്ടായിരുന്നയാൾ മുഖത്തേക്ക് തുപ്പുകയായിരുന്നു. ഇത് ചോദ്യം ചെയ്തതോടെ പ്രകോപിതരായ സംഘത്തിലെ ഒരാൾ വായിൽ വെള്ളം നിറച്ച് വീണ്ടും റിജോയുടെ മുഖത്തേക്ക് ഒഴിച്ചു. തുടർന്ന് വാഹനം തടഞ്ഞുനിർത്തി റിജോയുടെ ഹെൽമറ്റ് ബലമായി ഊരിയെടുത്ത് തലയുടെ പിൻഭാഗത്ത് അടിക്കുകയും ഹെൽമറ്റ് റോഡിലിട്ട് അടിച്ചുതകർക്കുകയുമായിരുന്നു.
സംഭവത്തിൽ കണ്ടാലറിയാവുന്ന പ്രതികൾക്കെതിരെ കടവന്ത്ര പൊലീസ് കേസെടുത്ത് അന്വേഷണം ആരംഭിച്ചു.
