CMRL സാമ്പത്തിക ഇടപാടിലെ വിജിലന്‍സ് കേസ്: പിണറായി വിജയന് നിയമപോരാട്ടത്തിന്; റിട്ട് ഹര്‍ജി നല്‍കി
Samanyu
സ്റ്റാഫ് റിപ്പോർട്ടർ
തിരുവനന്തപുരം: സിഎംആര്‍എല്‍-എക്‌സാലോജിക് സാമ്പത്തിക ഇടപാടില്‍ എന്‍ഫോഴ്‌സ്‌മെന്റ് ഡയറക്ട്രറ്റിന്റെ കത്തിന്റെ അടിസ്ഥാനത്തില്‍ രജിസ്റ്റര്‍ ചെയ്ത വിജിലന്‍സ് കേസിനെതിരെ പ്രതിപക്ഷ നേതാവ് പിണറായി വിജയന് ഹൈക്കോടതിയെ സമീപിക്കും. ഹൈക്കോടതി റിട്ട് അപ്പീല്‍ അനുവദിച്ചാല്‍ സുപ്രീംകോടതിയിലെ മുതിര്‍ന്ന അഭിഭാഷകന്‍ പിണറായി വിജയനായി കോടതിയില്‍ ഹാജരാകും. നാല് റിട്ട് അപ്പീലുകളാണ് സമര്‍പ്പിക്കുക.
പിണറായി വിജയന് പുറമെ മകള്‍ വീണ, മുന്‍ മന്ത്രിയും വീണയുടെ ഭര്‍ത്താവുമായ മുഹമ്മദ് റിയാസും നിഖിലും ചേര്‍ന്നും വ്യത്യസ്ത അപ്പീലുകള്‍ നല്‍കും. കേസിലെ മറ്റ് പ്രതികളായ വാരിസ്, നന്ദുലാല്‍, ഷൈജല്‍ എന്നിവരും ഒരു റിട്ട് അപ്പീല്‍ നല്‍കും. ഇന്ന് ഉച്ചയ്ക്ക് മുമ്പ് തന്നെ ഇത് കോടതിയുടെ മുന്നിലേക്ക് എത്തിക്കാനാണ് പ്രതിഭാഗത്തിന്റെ ശ്രമം. ഹൈക്കോടതി സിംഗിള്‍ ബെഞ്ച് ഉത്തരവ് നിയമപരമല്ലെന്നും റദ്ദാക്കണമെന്നുമാണ് പ്രതിഭാഗത്തിന്റെ ഭാഗം. ഇ ഡി സംസ്ഥാന ഡിജിപിക്ക് നല്‍കിയ കത്തിന്റെ അടിസ്ഥാനത്തില്‍ നേരിട്ട് കേസെടുത്ത് അന്വേഷിക്കണമെന്ന് ആവശ്യപ്പെട്ടുള്ള ഹര്‍ജിയിലാണ് വിജിലന്‍സ് അന്വേഷണത്തിന് ഹൈക്കോടതി ഉത്തരവിട്ടത്
