എംഎല്‍എ രമ്യാഹരിദാസിന്റെ പി.എ. രാജിവെച്ചതായി റിപ്പോര്‍ട്ട് ; പുതിയ ആളെ ഉടന്‍ നിയോഗിക്കും
Nazeema
സ്റ്റാഫ് റിപ്പോർട്ടർ
ചിറയിന്‍കീഴിലെ കോണ്‍ഗ്രസ് പ്രാദേശിക വിവാദങ്ങള്‍ക്ക് പിന്നാലെ എം.എല്‍.എ രമ്യാ ഹരിദാസിന്റെ പി.എ. വി. വിമല്‍ ജോലിഭാരം ചൂണ്ടിക്കാട്ടി രാജിക്കത്ത് സമര്‍പ്പിച്ചു. പുതിയ കെ.എസ്.ആര്‍.ടി.സി. ബസ് സര്‍വീസ് ഉദ്ഘാടന വിവാദവും തുടര്‍ച്ചയായ അച്ചടക്ക നടപടികളും പാര്‍ട്ടിക്ക് കനത്ത തിരിച്ചടിയായ സാഹചര്യത്തിലാണ് ഈ രാജി.
തിരുവനന്തപുരം: ചിറയിന്‍കീഴില്‍ കോണ്‍ഗ്രസ് പ്രാദേശിക പ്രവര്‍ത്തകരുമായുണ്ടായ വിവാദങ്ങള്‍ക്ക് പിന്നാലെ എം.എല്‍.എ രമ്യാ ഹരിദാസിന്റെ പേഴ്സണല്‍ അസിസ്റ്റന്റ് വി. വിമല്‍ രാജിക്കത്ത് സമര്‍പ്പിച്ചു. ജോലിഭാരത്തെ തുടര്‍ന്നാണ് രാജിയെന്നാണ് എം.എല്‍.എയുടെ വിശദീകരണമെങ്കിലും, വ്യക്തിപരമായ കാരണങ്ങളാലാണ് പടിയിറക്കമെന്നാണ് വിമല്‍ പാര്‍ട്ടിയെ അറിയിച്ചിട്ടുള്ളത്. ഇന്നലെ രാത്രിയോടെയാണ് വിമല്‍ എം.എല്‍.എയുടെ ഓഫീസില്‍ രാജിക്കത്ത് നല്‍കിയത്.
ചിറയിന്‍കീഴ് എം.എല്‍.എയുടെ പി.എ. പദവിയിലേക്ക് മറ്റൊരാളെ ഉടന്‍ തന്നെ നിയോഗിച്ചേക്കുമെന്നാണ് സൂചന. സര്‍വീസ് സംഘടനയുടെ പ്രധാന നേതാവ് കൂടിയാണ് പടിയിറങ്ങിയ വിമല്‍.
തുടര്‍വിവാദങ്ങളും പാര്‍ട്ടി നടപടികളും
കഴിഞ്ഞകാലങ്ങളില്‍ രമ്യാ ഹരിദാസും കോണ്‍ഗ്രസ് പ്രവര്‍ത്തകരും തമ്മിലുണ്ടായ കയ്യാങ്കളിയും സംഘര്‍ഷങ്ങളും പാര്‍ട്ടിക്ക് വലിയ തോതില്‍ നാണക്കേടുണ്ടാക്കിയിരുന്നു. ഇതിന്റെ തുടര്‍ച്ചയെന്നോണം നടന്ന തദ്ദേശ ഉപതെരഞ്ഞെടുപ്പില്‍ ചിറയിന്‍കീഴില്‍ പാര്‍ട്ടി കനത്ത പരാജയമാണ് ഏറ്റുവാങ്ങിയത്. ഈ സംഭവങ്ങളുടെ പശ്ചാത്തലത്തില്‍ പാര്‍ട്ടി നടത്തിയ അച്ചടക്കനടപടിയുടെ ഭാഗമായി രമ്യയ്ക്ക് കര്‍ശന താക്കീത് ലഭിക്കുകയും, പാളയം പ്രദീപ് ഉള്‍പ്പെടെയുള്ള രണ്ട് പ്രവര്‍ത്തകരെ പാര്‍ട്ടിയില്‍ നിന്ന് പുറത്താക്കുകയും ചെയ്തിരുന്നു.
ഇതിനിടയിലും എം.എല്‍.എ നിരന്തരം പുതിയ വിവാദങ്ങളില്‍ അകപ്പെടുന്നത് നേതൃത്വത്തിന് തലവേദനയാകുന്നുണ്ട്. ചിറയിന്‍കീഴില്‍ പുതിയ കെ.എസ്.ആര്‍.ടി.സി. ബസ് സര്‍വീസ് ഉദ്ഘാടനം ചെയ്തതുമായി ബന്ധപ്പെട്ടാണ് ഏറ്റവും ഒടുവിലത്തെ വിവാദം ഉടലെടുത്തിട്ടുള്ളത്. ഉദ്ഘാടനച്ചടങ്ങിന് രമ്യാ ഹരിദാസ് എത്താതിരുന്നതിനെ തുടര്‍ന്ന്, മന്ത്രി ബിന്ദു കൃഷ്ണയുടെ ഭര്‍ത്താവാണ് ചടങ്ങ് ഉദ്ഘാടനം ചെയ്തത്.
