നവദമ്പതികളുടെ മൃതദേഹം നദിയിൽ, കാലുകൾ ചങ്ങല കൊണ്ട് ബന്ധിച്ച നിലയിൽ; ദുരൂഹത

ധുലെ: മഹാരാഷ്ട്രയിലെ ധുലെ ജില്ലയിൽ തപി നദിയിൽ നവദമ്പതികളെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. ജൽഗാവ് ജില്ലയിലെ അമൽനെർ താലൂക്ക് സ്വദേശികളായ ശ്യാം ഹരി പാട്ടീൽ, സപ്ന പാട്ടീൽ എന്നിവരാണ് മരിച്ചത്. ഇരുവരുടെയും കാലുകൾ ഇരുമ്പ് ചങ്ങല ഉപയോഗിച്ച് പരസ്പരം ബന്ധിച്ച നിലയിലായിരുന്നു.

സവാൽദെ മേഖലയിൽ തപി നദിയുടെ അടിത്തട്ടിൽ നിന്നാണ് മൃതദേഹങ്ങൾ കണ്ടെടുത്തതെന്ന് പൊലീസ് ഉദ്യോഗസ്ഥർ അറിയിച്ചു. മാസങ്ങൾക്കു മുൻപാണ് ഇവരുടെ വിവാഹം കഴിഞ്ഞത്.

സംഭവം കൊലപാതകമാണോ അതോ ആത്മഹത്യയാണോ എന്ന കാര്യത്തിൽ വ്യക്തത വന്നിട്ടില്ല. പൊലീസ് കേസെടുത്ത് അന്വേഷണം ഊർജിതമാക്കിയിട്ടുണ്ട്.