ജേസൺ സഞ്ജയ് ചിത്രം 'സിഗ്‍മ' രണ്ടാം വാരത്തിലേക്ക്

തമിഴ്നാട് മുഖ്യമന്ത്രി വിജയിയുടെ മകൻ ജേസൺ സഞ്ജയ് ആദ്യമായി സംവിധാനം ചെയ്ത ‘സിഗ്മ’ തിയറ്ററുകളിൽ വിജയകരമായി രണ്ടാം വാരത്തിലേക്ക് കടന്നു. ഒക്ടോബർ രണ്ടിന് റിലീസ് ചെയ്ത ചിത്രം ഇതുവരെ 7.77 കോടി രൂപയുടെ കളക്ഷൻ നേടിയതായാണ് റിപ്പോർട്ടുകൾ. രണ്ടാം വാരത്തിലേക്ക് പ്രവേശിച്ച വിവരം പങ്കുവെച്ച് അണിയറപ്രവർത്തകർ പുതിയ പോസ്റ്ററും പുറത്തുവിട്ടു.

സുന്ദീപ് കിഷനും ഫരിയ അബ്ദുള്ളയും പ്രധാന കഥാപാത്രങ്ങളെ അവതരിപ്പിക്കുന്ന ചിത്രം ലൈക്ക പ്രൊഡക്ഷൻസിന്റെ ബാനറിൽ സുബാസ്കരനാണ് നിർമിച്ചിരിക്കുന്നത്. ജി.കെ.എം തമിഴ് കുമരനാണ് പ്രൊഡക്ഷൻ ഹെഡ്. തമിഴ്നാട്ടിലും തായ്ലൻഡിലുമായി ചിത്രീകരിച്ച സിനിമയുടെ കേരളത്തിലെ വിതരണാവകാശം ഗോകുലം ഗോപാലന്റെ ശ്രീ ഗോകുലം മൂവീസിനാണ്.

എസ്. തമൻ സംഗീതം നൽകിയ ചിത്രത്തിന്റെ ഛായാഗ്രഹണം കൃഷ്ണൻ വസന്തും എഡിറ്റിങ് പ്രവീൺ കെ.എല്ലും നിർവഹിച്ചിരിക്കുന്നു. രാജു സുന്ദരം, സമ്പത്ത് രാജ്, ശിവ് പണ്ഡിറ്റ്, അൻപു ദാസൻ, യോഗ് ജാപി, മഹാലക്ഷ്മി, ഷീല രാജ്കുമാർ തുടങ്ങി വൻ താരനിര തന്നെ ചിത്രത്തിൽ അണിനിരക്കുന്നുണ്ട്.

വിവേക്, സൂപ്പർ സുബ്ബു എന്നിവരാണ് ഗാനരചന. വെങ്കട്, സിൽവ എന്നിവർ സാഹസിക രംഗങ്ങളും പ്രസാദ് ഡി.ഐയും രംഗ (കളറിസ്റ്റ്) കളറിങ്ങും നിർവഹിച്ചു. ആർ. ഹരിഹരസുതനാണ് വി.എഫ്.എക്സ്. കൃഷ്ണൻ സുബ്രഹ്മണ്യൻ, വരുൺ വെങ്കടരാമൻ എന്നിവരാണ് സൗണ്ട് ഡിസൈൻ.