'ആമിറിന്‍റെ വരവ്'; ഖലീഫയിലെ ഒഎസ്ടി വീഡിയോ എത്തി
Nazeema
സ്റ്റാഫ് റിപ്പോർട്ടർ
വൈശാഖ് സംവിധാനം ചെയ്ത് പൃഥ്വിരാജ് നായകനായ 'ഖലീഫ' ചിത്രത്തിലെ പുതിയ ഒഎസ്ടി 'ആമിര്‍സ് അറൈവല്‍' അണിയറക്കാര്‍ പുറത്തുവിട്ടു. ജേക്സ് ബിജോയ് സംഗീതം നിര്‍വഹിച്ച ചിത്രം സ്വര്‍ണക്കള്ളക്കടത്തുകാരന്റെ പശ്ചാത്തലത്തിലുള്ള കഥയാണ് പറയുന്നത്.
വൈശാഖ് സംവിധാനം ചെയ്ത് പൃഥ്വിരാജ് നായകനായ 'ഖലീഫ'യിലെ പുതിയ ഒഎസ്ടി അണിയറക്കാര്‍ പുറത്തുവിട്ടു. പൃഥ്വിരാജ് അവതരിപ്പിച്ച 'ആമിറിന്‍റെ വരവ്' ദൃശ്യവത്കരിക്കുന്ന 'ആമിര്‍സ് അറൈവല്‍' എന്ന സൗണ്ട് ട്രാകാണ് പുറത്തിറങ്ങിയത്. ജേക്സ് ബിജോയ് ആണ് ചിത്രത്തിന്റെ സംഗീത സംവിധായകന്‍.
ഓണം റിലീസായി ആഗസ്റ്റ് 20-നാണ് ചിത്രം തിയറ്ററുകളിലെത്തിയത്. ജിനു വി എബ്രഹാമും സുരാജ് കുമാറും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. മോഹന്‍ലാലിന്‍റെയും ടൊവിനോ തോമസിന്റെയും അതിഥിവേഷങ്ങള്‍ ചിത്രത്തിന്റെ പ്രധാന ഹൈലൈറ്റുകളില്‍ ഒന്നാണ്.
ഇന്ത്യയില്‍ കോഫെപോസെ (COFEPOSA) നിയമമുണ്ടാക്കാന്‍ കാരണക്കാരനായ സ്വര്‍ണക്കള്ളക്കടത്തുകാരന്‍ മാമ്പറത്ത് അഹമ്മദ് ആലിയുടെ പിന്‍തലമുറക്കാരുടെ കഥയാണ് ചിത്രം പറയുന്നത്. പതിനാറാം വയസ്സില്‍ പിതാവിനെ നഷ്ടപ്പെട്ട അഹമ്മദ് ആലിയുടെ മകൻ, ജീവിതത്തില്‍ സ്വര്‍ണക്കടത്ത് നടത്തുകയില്ലെന്ന് പ്രതിജ്ഞയെടുത്ത് ജീവിക്കുന്നയാളാണ്. എന്നാല്‍, ചെയ്യാത്ത കുറ്റത്തിന് ശിക്ഷിക്കപ്പെടുന്ന അയാള്‍, വേട്ടയാടപ്പെട്ട തന്റെ ജീവിതം തിരികെപ്പിടിക്കാനായി വീണ്ടും സ്വര്‍ണക്കടത്തിലേക്ക് ഇറങ്ങുന്നതും കുടുംബത്തിന് വേണ്ടി പോരാട്ടം നടത്തുന്നതുമാണ് ചിത്രത്തിന്റെ പ്രമേയം. സഞ്ജു ശിവറാമാണ് സമദിനെ അവതരിപ്പിച്ചിരിക്കുന്നത്.
ചിത്രത്തിന്റെ രണ്ടാം ഭാഗമായ 'ഖലീഫ ദി ലെഗസി' ഇതിനകം പ്രഖ്യാപിച്ചിട്ടുണ്ട്. ജോമോന്‍ ടി ജോണ്‍ ആണ് ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത്. മാളവിക ശർമ്മ, നീല്‍ നിതിന്‍ മുകേഷ്, രണ്‍ജി പണിക്കര്‍, ഇന്ദ്രന്‍സ്, ഷമ്മി തിലകന്‍ തുടങ്ങി വലിയൊരു താരനിരയും ചിത്രത്തിലുണ്ട്.
