ദിനംപ്രതിയുള്ള തിരക്കുകൾക്കിടയിൽ അടുക്കളയിലെ അധ്വാനം കുറയ്ക്കാനും അതേസമയം ആരോഗ്യകരമായ ഭക്ഷണരീതി പിന്തുടരാനും ആഗ്രഹിക്കുന്നവർക്കായി ചില ലളിതമായ വഴികൾ പരിചയപ്പെടാം.
ഒറ്റത്തവണ പാചകം; രണ്ടുനേരം ഭക്ഷണം അടുക്കളയിലെ സമയം ലാഭിക്കാനുള്ള ഏറ്റവും മികച്ച മാർഗങ്ങളിലൊന്ന് ഭാവിയിലേക്ക് കൂടി ഉപകരിക്കുന്ന രീതിയിൽ ആഹാരം പാകം ചെയ്യുക എന്നതാണ്. കൂടുതൽ വിഹിതം ഉണ്ടാക്കി സൂക്ഷിക്കുന്നത് തിരക്കുള്ള ദിവസങ്ങളിൽ ഏറെ ആശ്വാസകരമാകും. കടലക്കറി, രാജ്മ, ചോലെ തുടങ്ങിയ പ്രോട്ടീൻ സമ്പുഷ്ടമായ വിഭവങ്ങൾ ഒരുമിച്ച് ഉണ്ടാക്കി ഒന്നിലധികം തവണ ഉപയോഗിക്കാൻ അനുയോജ്യമാണ്.
ദൈനംദിന ഭക്ഷണത്തിൽ വരുത്താം പോഷകസമൃദ്ധമായ മാറ്റങ്ങൾ ആരോഗ്യകരമായ ഭക്ഷണശീലത്തിലേക്ക് മാറാൻ നിലവിലെ ജീവിതരീതി പൂർണ്ണമായും മാറ്റേണ്ടതില്ല. പതിവായി കഴിക്കുന്ന വിഭവങ്ങളിൽ ആവശ്യത്തിന് പ്രോട്ടീൻ, ഫൈബർ (നാരുകൾ), നല്ല കൊഴുപ്പ് എന്നിവ ഉൾപ്പെടുത്തി അവയെ കൂടുതൽ പോഷകസമൃദ്ധമാക്കുകയാണ് വേണ്ടത്. വിലകൂടിയ ചേരുവകൾ വാങ്ങിക്കൂട്ടുന്നതിലല്ല, മറിച്ച് ശരിയായ അളവിലുള്ള പോഷകാഹാരം ഉറപ്പാക്കുന്നതിലാണ് ശ്രദ്ധിക്കേണ്ടത്.
തളർച്ച നേരിടുന്ന സമയങ്ങൾ തിരിച്ചറിയുക ആഴ്ചയിലുടനീളം ആഹാരം ഒഴിവാക്കാനോ, മുൻകരുതലില്ലാതെ പുറത്തുനിന്ന് വാങ്ങി കഴിക്കാനോ ഇടയാക്കുന്ന സാഹചര്യങ്ങൾ ഏതാണെന്ന് തിരിച്ചറിയുകയാണ് അടുത്ത പടി. പാചകം ചെയ്യാൻ മടി തോന്നുന്ന ഇത്തരം “പിഞ്ച് പോയിന്റുകൾ” മുൻകൂട്ടി കണ്ട് കൃത്യമായ ഒരു പ്ലാൻ തയ്യാറാക്കുന്നത് അനാവശ്യ ചെലവുകളും അനാരോഗ്യകരമായ ഭക്ഷണശീലവും ഒഴിവാക്കാൻ സഹായിക്കും.
റെഡിമെയ്ഡ് വിഭവങ്ങൾ സൗകര്യപ്രദമായി ഉപയോഗിക്കാം പാചകസമയം കുറയ്ക്കാൻ പാകംചെയ്ത വിഭവങ്ങൾ പ്രയോജനപ്പെടുത്തുന്നതിൽ തെറ്റില്ല. പ്രീ-കുക്ക് ചെയ്ത ചിക്കൻ, ടിന്നിലടച്ച മീൻ, ധന്യങ്ങൾ, മൈക്രോവേവിൽ ചൂടാക്കാവുന്ന ധാന്യങ്ങൾ, ഫ്രോസൺ പച്ചക്കറികൾ എന്നിവ ഉപയോഗിച്ച് വേഗത്തിൽ പോഷകസമൃദ്ധമായ ഭക്ഷണം ഉണ്ടാക്കാം. ഇത്തരം സാധനങ്ങൾ ഫ്രിഡ്ജിൽ കരുതിവെക്കുന്നത് ജോലിഭാരം കുറയ്ക്കും.
ലളിതമായ ‘നോ-ബ്രെയ്നർ’ വിഭവങ്ങൾ തിരഞ്ഞെടുക്കുക തിരക്കുള്ള ദിവസങ്ങളിൽ സങ്കീർണ്ണമായ വിഭവങ്ങൾ പരീക്ഷിക്കുന്നത് ഒഴിവാക്കാം. വളരെ വേഗത്തിലും എളുപ്പത്തിലും തയ്യാറാക്കാൻ കഴിയുന്ന സാാൻഡ്വിച്ചുകൾ, റാപ്പുകൾ, ഫ്രൈഡ് റൈസ്, റോളുകൾ തുടങ്ങിയ ലളിതമായ ഭക്ഷണങ്ങൾ ശീലമാക്കുന്നത് അടുക്കളയിലെ സമയം വൻതോതിൽ ലാഭിക്കാൻ സഹായിക്കും.
