കൊച്ചി: പുതിയ സിനിമയുടെ ചിത്രീകരണത്തിനിടെ പ്രമുഖ നടി രശ്മിക മന്ദാനയ്ക്ക് ഇടുപ്പെല്ലിന് സാരമായി പരുക്കേറ്റു. ശാരീരികമായി ഏറെ ആയാസകരമായ നൃത്ത-ആക്ഷൻ രംഗം ചിത്രീകരിക്കുന്നതിനിടെയുണ്ടായ വീഴ്ചയിലാണ് താരത്തിന് പരുക്കേറ്റത്. ‘രണബാലി’, ‘മൈസ’ എന്നീ ചിത്രങ്ങളുടെ തിരക്കുകളിലുള്ള നടിയെ ഉടൻ തന്നെ അടുത്തുള്ള ആശുപത്രിയിൽ പ്രവേശിപ്പിച്ചു. അപകടത്തെത്തുടർന്ന് ചിത്രീകരണം താൽക്കാലികമായി നിർത്തിവെച്ചിരിക്കുകയാണ്. തീവ്രമായ പരിശീലനം നടത്തുന്ന അത്ലറ്റുകൾക്ക് ഉണ്ടാകാറുള്ള തരത്തിലുള്ള പരുക്കായതിനാൽ ഡോക്ടർമാർ ആറ് ആഴ്ചത്തെ വിശ്രമം നിർദേശിച്ചിട്ടുണ്ട്. ശരീരം പൂർണമായും സുഖപ്പെട്ട ശേഷമേ താരം സിനിമയുടെ ചിത്രീകരണത്തിലേക്ക് തിരികെ എത്തുകയുള്ളൂ. സംഭവത്തിൽ രശ്മികയുടെ ഭാഗത്തുനിന്ന് ഔദ്യോഗിക പ്രതികരണങ്ങൾ ഇതുവരെ വന്നിട്ടില്ല.
