ഏഷ്യൻ ഗെയിംസ് ക്രിക്കറ്റ്: ശ്രീലങ്കക്കെതിരെ ഇന്ത്യക്ക് ടോസ് നഷ്ടം, വൈഭവും സഞ്ജുവും ടീമില്‍, അര്‍ഷ്ദീപ് പുറത്ത്
Nazeema
സ്റ്റാഫ് റിപ്പോർട്ടർ
ശ്രീലങ്കയ്‌ക്കെതിരായ ഏഷ്യൻ ഗെയിംസ് രണ്ടാം സെമി ഫൈനലിൽ ടോസ് നഷ്ടപ്പെട്ട് ഇന്ത്യ ബാറ്റിങ്ങിനിറങ്ങുന്നു.
നിഷിൻ (ജപ്പാൻ): ഏഷ്യൻ ഗെയിംസ് പുരുഷ ക്രിക്കറ്റ് രണ്ടാം സെമി ഫൈനലിൽ ഇന്ത്യക്കെതിരെ ടോസ് നേടിയ ശ്രീലങ്ക ബൗളിങ് തെരഞ്ഞെടുത്തു.
ഇന്ത്യൻ നിരയിൽ യുവതാരം വൈഭവ് സൂര്യവംശി പ്ലെയിങ് ഇലവനിലിടം നേടിയപ്പോൾ മലയാളി താരം സഞ്ജു സാംസണും ടീമിൽ സ്ഥാനം നിലനിർത്തി. വൈഭവും അഭിഷേക് ശർമയും ഇന്നിങ്സ് ഓപ്പൺ ചെയ്യുമ്പോൾ സഞ്ജു മൂന്നാം നമ്പറിലാണ് ക്രീസിലിറങ്ങുക. ക്യാപ്റ്റൻ ശ്രേയസ് അയ്യർ നാലാമതും ഇഷാൻ കിഷൻ അഞ്ചാമതായും ബാറ്റ് ചെയ്യും.
വൈസ് ക്യാപ്റ്റൻ തിലക് വർമ, ശിവം ദുബെ, അക്സർ പട്ടേൽ എന്നിവരടങ്ങുന്ന ശക്തമായ ബാറ്റിങ് നിരയുമായാണ് ഇന്ത്യ ഇറങ്ങുന്നത്. വാഷിങ്ടൺ സുന്ദർ, രവി ബിഷ്‌ണോയ് എന്നിവർ സ്പിൻ വിഭാഗം കൈകാര്യം ചെയ്യുമ്പോൾ ജസ്പ്രീത് ബുംറ മാത്രമാണ് നിരയിലെ ഏക പേസർ. ജപ്പാനെതിരായ ടി20യിൽ വിശ്രമത്തിലായിരുന്ന ബുംറ തിരിച്ചെത്തിയതോടെ അർഷ്ദീപ് സിങ്ങിന് സ്ഥാനം നഷ്ടമായി.
ഉയർന്ന റാങ്കിങ്ങിന്റെ കരുത്തിൽ നേരിട്ട് ക്വാർട്ടറിലേക്ക് യോഗ്യത നേടിയ ഇന്ത്യയുടെ എതിരാളികൾ അഫ്ഗാനിസ്ഥാനായിരുന്നു. എന്നാൽ മഴമൂലം ടോസ് പോലും ഇടാനാവാതെ മത്സരം ഉപേക്ഷിച്ചതോടെ മെച്ചപ്പെട്ട റാങ്കിങ്ങിന്റെ പിൻബലത്തിലാണ് ഇന്ത്യ സെമിയിലേക്ക് മുന്നേറിയത്.
ഇന്ത്യൻ പ്ലെയിങ് ഇലവൻ: വൈഭവ് സൂര്യവംശി, അഭിഷേക് ശർമ, സഞ്ജു സാംസൺ (വിക്കറ്റ് കീപ്പർ), ശ്രേയസ് അയ്യർ (ക്യാപ്റ്റൻ), ഇഷാൻ കിഷൻ, തിലക് വർമ, ശിവം ദുബെ, അക്സർ പട്ടേൽ, വാഷിങ്ടൺ സുന്ദർ, രവി ബിഷ്‌ണോയ്, ജസ്പ്രീത് ബുംറ.
