ഡിസംബറിൽ മോദി-ട്രംപ് കൂടിക്കാഴ്ച; പ്രധാനമന്ത്രി ജി 20 ഉച്ചകോടിയ്ക്കായി യുഎസിലേക്ക് പോയേക്കും

ന്യൂഡൽഹി: പ്രധാനമന്ത്രി നരേന്ദ്ര മോദിയും യു.എസ് പ്രസിഡന്റ് ഡോണൾഡ് ട്രംപും ഡിസംബറിൽ അമേരിക്കയിൽ കൂടിക്കാഴ്ച നടത്തും. ജി20 ഉച്ചകോടിയിൽ പങ്കെടുക്കാനാണ് പ്രധാനമന്ത്രി യു.എസ് സന്ദർശിക്കുന്നത്.

ഇരുനേതാക്കളും കഴിഞ്ഞ ദിവസം ഫോണിൽ സംസാരിച്ചിരുന്നു. സംഭാഷണത്തിൽ പശ്ചിമേഷ്യൻ സംഘർഷം അവസാനിപ്പിക്കാൻ ബ്രിക്സ് ഉച്ചകോടിയുടെ ഭാഗമായി നടത്തിയ നീക്കങ്ങൾ മോദി ട്രംപിനോട് വിശദീകരിച്ചു. ഇറക്കുമതി ഉൽപന്നങ്ങൾക്ക് യു.എസ് ചുമത്തുന്ന ഉയർന്ന താരിഫിലുള്ള ഇന്ത്യയുടെ ആശങ്കയും നിലപാടും പ്രധാനമന്ത്രി ട്രംപിനെ അറിയിച്ചു.