ഫഹദ് ഫാസിലിന്റെ ഫാന്റസി ചിത്രം 'ഡോണ്ട് ട്രബിൾ ദി ട്രബിൾ' ഇന്ന് മുതൽ തിയേറ്ററുകളിൽ

​കൊച്ചി: ഫഹദ് ഫാസിലിനെ നായകനാക്കി ശശാങ്ക് യെലേട്ടി സംവിധാനം ചെയ്യുന്ന പുതിയ ഫാന്റസി ഫാമിലി എന്റർടെയ്‌നർ ചിത്രം ‘ഡോണ്ട് ട്രബിൾ ദി ട്രബിൾ’ തിയേറ്ററുകളിലെത്തി. മലയാളത്തിന് പുറമെ തെലുങ്ക്, ഹിന്ദി ഭാഷകളിലും ചിത്രം റിലീസ് ചെയ്തിട്ടുണ്ട്.

​‘ബാഹുബലി’ ഉൾപ്പെടെയുള്ള ബിഗ് ബജറ്റ് ചിത്രങ്ങൾ നിർമ്മിച്ച ആർക്ക മീഡിയ വർക്ക്സ്, ഷോയിംഗ് ബിസിനസ് എന്നീ ബാനറുകളിൽ ഷോബു യാർലഗഡ്ഡ, പ്രസാദ് ദേവിനേനി, എസ്. എസ്. കാർത്തികേയ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. ഭാവന സ്റ്റുഡിയോസിന്റെ ഭാവന റിലീസാണ് ചിത്രം കേരളത്തിലെ തിയേറ്ററുകളിലെത്തിക്കുന്നത്.

​തന്റെ പതിവു ശൈലികളിൽനിന്ന് വേറിട്ട കഥാപാത്രത്തെയാണ് ഫഹദ് ഫാസിൽ ഈ ചിത്രത്തിൽ അവതരിപ്പിക്കുന്നത്. ബാലതാരം സാറയുടെ പ്രകടനവും ചിത്രത്തിന്റെ പ്രധാന ആകർഷണങ്ങളിൽ ഒന്നാണ്. എസ്. എസ്. കാഞ്ചിയും ഹംസ അലിയും ചേർന്നാണ് ചിത്രത്തിന്റെ രചന നിർവഹിച്ചിരിക്കുന്നത്.

​കാലഭൈരവ സംഗീതവും പശ്ചാത്തലസംഗീതവും ഒരുക്കിയിരിക്കുന്ന ചിത്രത്തിന്റെ ഛായാഗ്രഹണം ബാലാജി സുബ്രഹ്മണ്യവും എഡിറ്റിംഗ് പ്രവീൺ ആന്റണിയുമാണ്. രാമ രാജമൗലിയാണ് കോസ്റ്റ്യൂം ഡിസൈൻ. പ്രതീഷ് ശേഖറാണ് ചിത്രത്തിന്റെ പി.ആർ.ഒ. റിലീസിന് മുന്നോടിയായി പുറത്തിറങ്ങിയ ചിത്രത്തിലെ ടീസറും ഗാനങ്ങളും സോഷ്യൽ മീഡിയയിൽ ഏറെ ശ്രദ്ധ നേടിയിരുന്നു.