കുഞ്ചാക്കോ ബോബനും ലിജോമോൾ ജോസും പ്രധാന കഥാപാത്രങ്ങളായെത്തിയ ‘ഉന്മാദം’ മികച്ച പ്രേക്ഷകാഭിപ്രായങ്ങളോടെ തിയറ്ററുകളിൽ രണ്ടാം വാരത്തിലേക്ക് കടക്കുന്നു. ഷെല്ലി എന്ന പോലീസ് ഉദ്യോഗസ്ഥനായി വിസ്മയിപ്പിക്കുന്ന അഭിനയ മുഹൂർത്തങ്ങളാണ് കുഞ്ചാക്കോ ബോബൻ ചിത്രത്തിൽ കാഴ്ചവെച്ചിരിക്കുന്നത്. ലിജോമോൾ അവതരിപ്പിച്ച ‘സൗമ്യ’ എന്ന കഥാപാത്രവും മികച്ച സ്വീകാര്യത നേടിയിട്ടുണ്ട്.
പ്രശസ്ത എഡിറ്റർ കിരൺ ദാസ് ആദ്യമായി സംവിധാനം ചെയ്ത ഈ ചിത്രം വേറിട്ടൊരു ഇൻവെസ്റ്റിഗേഷൻ ത്രില്ലർ അനുഭവം നൽകുന്നുവെന്നാണ് തിയേറ്റർ ടോക്ക്. ‘നായാട്ട്’, ‘ഓഫീസർ ഓൺ Д്യൂട്ടി’ എന്നീ ചിത്രങ്ങൾക്ക് ശേഷം ഷാഹി കബീറിന്റെ തിരക്കഥയിൽ കുഞ്ചാക്കോ ബോബൻ അഭിനയിക്കുന്ന മൂന്നാമത്തെ ചിത്രം കൂടിയാണിത്.
ഒരു സ്റ്റേഷനിലെ അന്ധവിശ്വാസവുമായി ബന്ധപ്പെട്ട സങ്കീർണ്ണമായ കേസ് ഫയലിന് പിന്നാലെ നായക കഥാപാത്രം പോകുന്നതും അതിനെ തുടർന്നുണ്ടാകുന്ന അപ്രതീക്ഷിത സംഭവങ്ങളുമാണ് സിനിമയുടെ ഇതിവൃത്തം. അർജുൻ സേതുവിന്റെ ഛായാഗ്രഹണവും കിരൺ ദാസ്, ജിതിൻ ജോൺ എന്നിവരുടെ എഡിറ്റിംഗും മുജീബ് മജീദിന്റെ സംഗീതവും ചിത്രത്തിന് ഏറെ കരുത്തുപകരുന്നു.
ടി-സീരീസും പനോരമ സ്റ്റുഡിയോസും സംയുക്തമായി അവതരിപ്പിക്കുന്ന ചിത്രം നിർമ്മിച്ചിരിക്കുന്നത് കുമാർ മംഗത് പഥക്, അഭിഷേക് പഥക് എന്നിവർ ചേർന്നാണ്. സിദ്ദിഖ്, സുധീഷ്, വിശാഖ് നായർ, സാബുമോൻ തുടങ്ങി വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്.
