ലൈഫ്‌സ്റ്റൈല്‍ മറ്റൊരു വിസ്മയം കൂടി, ഒരു ലക്ഷം പിന്നിട്ട് വില്‍പ്പന, Mahindra Electric SUVകള്‍ക്ക് വന്‍ ഡിമാന്‍ഡ്
Samanyu
സ്റ്റാഫ് റിപ്പോർട്ടർ
മുംബൈ: 2025 മാര്‍ച്ചില്‍ ഡെലിവറി ആരംഭിച്ച് 18 മാസം കൊണ്ട് മഹീന്ദ്രയുടെ ബോണ്‍-ഇലക്ട്രിക് SUVകളായ BE 6, XEV 9e, XEV 9S എന്നിവ ചേര്‍ന്ന് ഇന്ത്യയില്‍ ആകെ ഒരു ലക്ഷം യൂണിറ്റുകളുടെ വില്‍പ്പന പിന്നിട്ടു. 20 ലക്ഷം മുതല്‍ 30 ലക്ഷം രൂപ വരെ വിലയുള്ള ഇലക്ട്രിക് SUVകളെ സംബന്ധിച്ചിടത്തോളം ഇത് വമ്പന്‍ വില്‍പ്പനയാണ്.
Mahindra Electric SUV: കണക്കുകള്‍ ഇങ്ങനെ
2024 നവംബര്‍ 26-നാണ് മഹീന്ദ്ര BE 6, XEV 9e എന്നിവ പുറത്തിറക്കിയത്. ആദ്യ ദിവസം തന്നെ രണ്ടിനും കൂടി 30,179 ബുക്കിങ്ങുകള്‍ ലഭിച്ചു. 2025 മാര്‍ച്ച് 20-നാണ് ഈ മോഡലുകളുടെ ഡെലിവറി ആരംഭിച്ചത്. ഏപ്രില്‍ ആയപ്പോഴേക്കും ഇത് 3,000 കവിഞ്ഞു.
പോകപ്പോകെ, 2025 നവംബറോടെ 30,000-ത്തിലധികം യൂണിറ്റുകള്‍ നിരത്തിലിറങ്ങി. അതിനിടെ, മൂന്ന് നിരകളുള്ള XEV 9S കൂടി അവതരിപ്പിക്കപ്പെടുകയും 2026 ജനുവരി മുതല്‍ ഇതിന്റെ ഡെലിവറി ആരംഭിക്കുകയും ചെയ്തു.
ഏപ്രില്‍ അവസാനത്തോടെ ആകെ ബില്ലിങ് 65,615 യൂണിറ്റിലെത്തി. സെപ്റ്റംബറോടെ മൊത്തം കണക്ക് ഒരു ലക്ഷം കവിഞ്ഞു. ഏപ്രില്‍ മാസത്തെ കണക്കെടുപ്പ് പ്രകാരം, XEV 9-ന്റെ 34,369 യൂണിറ്റുകളും, BE 6-ന്റെ 20,108 എണ്ണവും, XEV 9S-ന്റെ 11,138 വാഹനങ്ങളുമാണ് ഉണ്ടായിരുന്നത്. ഇത് മൊത്തം 65,615 യൂണിറ്റുകളുടെ ഏകദേശം 52%, 31%, 17% എന്നിങ്ങനെയാണ് വരുന്നത്.
Mahindra Electric SUV Sale: വില്‍പ്പനയിലെ വേഗത
ഈ കണക്കുകള്‍വച്ച് നോക്കുമ്പോള്‍, ഒരു ലക്ഷം കവിയാന്‍ മെയ് മാസത്തിനും സെപ്റ്റംബറിനും ഇടയില്‍ കുറഞ്ഞത് 34,400 ബില്ലിങ്ങുകളെങ്കിലും മഹീന്ദ്രയ്ക്ക് ആവശ്യമായി വരും. അത് പരിഗണിച്ചാല്‍ പ്രതിമാസം ഏകദേശം 6,900 യൂണിറ്റുകള്‍ വരും.
ബില്ലിങ്ങുകള്‍ എന്നാല്‍ ഫാക്ടറിയില്‍ നിന്ന് ഡീലര്‍മാര്‍ക്ക് അയയ്ക്കുന്ന വാഹനങ്ങളാണ്, അതിനാല്‍ ചില കാറുകള്‍ ഇപ്പോഴും യാത്രയിലോ സ്റ്റോക്കിലോ ആയിരിക്കാം. യഥാര്‍ത്ഥ ഡെലിവറികള്‍ എത്രയെന്ന് രജിസ്‌ട്രേഷന്‍ ഡാറ്റയില്‍ നിന്നാണ് വ്യക്തമാവുക.
