യുഡിഎഫ് കണ്‍വീനര്‍ Adoor Prakash-ന്റെ പരാതി : സര്‍ക്കാര്‍-പാര്‍ട്ടി ഏകോപന സമിതിക്ക് സാധ്യത
S
Samanyu
സ്റ്റാഫ് റിപ്പോർട്ടർ
2026 ഒക്ടോബർ 6, ചൊവ്വ | 01:23 PM
പങ്കുവെക്കുക:
ന്യൂഡല്‍ഹി: സുപ്രധാന തീരുമാനങ്ങള്‍ അറിയിക്കുന്നില്ലെന്ന, മുഖ്യമന്ത്രി വിഡി സതീശനെതിരായ UDF കണ്‍വീനര്‍ അടൂര്‍ പ്രകാശിന്റെ പരാതിക്ക് പിന്നാലെ, സര്‍ക്കാര്‍-പാര്‍ട്ടി ഏകോപനസമിതി സംവിധാനം രൂപീകരിച്ചേക്കും. വിഷയത്തില്‍ ഹൈക്കമാന്‍ഡ് വൈകാതെ നടപടികള്‍ സ്വീകരിക്കുമെന്നാണ് വിവരം.
അടൂര്‍ പ്രകാശ് കഴിഞ്ഞ ദിവസം, എഐസിസി അദ്ധ്യക്ഷന്‍ മല്ലികാര്‍ജുന്‍ ഖാര്‍ഗെ, കേരളത്തിന്റെ ചുമതലയുള്ള എഐസിസി ജനറല്‍ സെക്രട്ടറി ദീപ ദാസ് മുന്‍ഷി തുടങ്ങിയവരെ കണ്ടിരുന്നു. പാര്‍ട്ടി-സര്‍ക്കാര്‍ ഏകോപനസമിതി രൂപീകരിക്കണമെന്ന് ദീപ ദാസ് മുന്‍ഷി നേരത്തേ നിര്‍ദേശിച്ചിരുന്നു.
അടൂര്‍ പ്രകാശിന്റെ പരാതിയും ഉയര്‍ന്ന സാഹചര്യത്തില്‍ ഈ സംവിധാനം സംബന്ധിച്ച് മുഖ്യമന്ത്രിയുടെ നിലപാടും തേടും.
പങ്കുവെക്കുക:
