മഞ്ജുവാര്യർ നൽകിയ മാനനഷ്ടക്കേസ്: 'അഭിഭാഷകൻ വേണ്ട, നേരിട്ട് വാദിച്ചോളാം'; കോടതിയെ അറിയിച്ച് സനൽകുമാർ ശശിധരൻ

മഞ്ജു വാര്യർ നൽകിയ മാനനഷ്ടക്കേസിൽ കോടതിയിൽ അഭിഭാഷകനില്ലാതെ നേരിട്ട് വാദിക്കുമെന്ന് സംവിധായകൻ സനൽകുമാർ ശശിധരൻ. കേസിൽ മഞ്ജു വാര്യർ സമർപ്പിച്ച പരാതിയിലെ ഒപ്പ് വ്യാജമാണെന്നും അദ്ദേഹം ആരോപിച്ചു. എറണാകുളം ഫസ്റ്റ് ക്ലാസ് മജിസ്ട്രേറ്റ് കോടതിയിലാണ് സംഭവം.

തന്റെ അഭിഭാഷകന്റെ വക്കാലത്ത് റദ്ദാക്കിയ സനൽകുമാർ, കേസിൽ സ്വന്തമായി വാദം ഉന്നയിക്കാൻ അനുവദിക്കണമെന്ന് കോടതിയോട് ആവശ്യപ്പെടുകയായിരുന്നു. തുടര്‍ന്ന് കേസ് എതിർകക്ഷികളുടെ വാദം കേൾക്കുന്നതിനായി ഈ മാസം 17ലേക്ക് മാറ്റി.

നേരത്തെ, സമൂഹമാധ്യമങ്ങളിലൂടെ തനിക്കെതിരെ വ്യാജ പ്രചാരണം നടത്തിയെന്നും അപകീർത്തിപ്പെടുത്തിയെന്നും ആരോപിച്ച് മഞ്ജു വാര്യർ നൽകിയ പരാതിയിലാണ് സനൽകുമാർ ശശിധരനെതിരെ കേസെടുത്തത്.